Dividend Stock: डिव्हिडेंड स्टॉकमध्ये रस असलेल्या गुंतवणूकदारांसाठी महाराष्ट्र स्कूटर्स लिमिटेडने मोठी घोषणा केली आहे. कंपनीने वित्त वर्ष 2026 साठी प्रति शेअर 160 रुपयांचा अंतरिम डिव्हिडेंड देण्याचा निर्णय घेतला आहे. यामुळे 10 रुपयांच्या फेस व्हॅल्यू असलेल्या एका शेअरवर 1600 टक्के परतावा मिळणार आहे. हा डिव्हिडेंड मिळवण्यासाठी कंपनीने 22 September 2025 ही रेकॉर्ड डेट निश्चित केली असून ही माहिती 15 September 2025 रोजी शेअर बाजाराला देण्यात आली आहे.
याआधीही दिले होते आकर्षक डिव्हिडेंड
या वर्षीच जून महिन्यात महाराष्ट्र स्कूटर्सने एक्स-डिव्हिडेंड ट्रेड केला होता. त्या वेळी कंपनीने प्रति शेअर 30 रुपयांचा फाइनल डिव्हिडेंड आणि 30 रुपयांचा स्पेशल डिव्हिडेंड जाहीर केला होता. गुंतवणूकदारांना नियमितपणे डिव्हिडेंड देणाऱ्या कंपन्यांमध्ये महाराष्ट्र स्कूटर्सचे नाव सतत पुढे राहिले आहे.
Maharashtra Scooters Declares Rs 160 Interim Dividend
शेअर किमतीत जबरदस्त वाढ
फक्त 6 महिन्यांत कंपनीच्या शेअर्सनी 94 टक्क्यांचा परतावा दिला आहे. मागील 1 वर्षात हा रिटर्न 72 टक्क्यांपर्यंत पोहोचला आहे. सोमवार दुपारी बीएसईवर महाराष्ट्र स्कूटर्सचे शेअर सुमारे 1 टक्क्यांच्या वाढीसह 18147 रुपयांच्या स्तरावर व्यवहार करत होते. मागील 5 वर्षांमध्ये कंपनीच्या शेअरने तब्बल 500 टक्क्यांपर्यंतचा परतावा दिला आहे, ज्यामुळे गुंतवणूकदारांचा विश्वास कायम राहिला आहे.
तज्ज्ञांचा सल्ला घ्या
शेअर बाजारातील गुंतवणूक जोखमीची असते. त्यामुळे कोणताही निर्णय घेण्यापूर्वी तज्ज्ञांचा सल्ला घेणे अत्यावश्यक आहे.
