Gold Silver Price on Diwali: धनत्रयोदशीच्या मुहूर्तावर सोने-चांदी खरेदी न करू शकलेल्या लोकांसाठी आता आनंदाची बातमी आहे. आज सोन्या-चांदीच्या भावात मोठी घसरण झाली आहे. भारतीय बुलियन अँड ज्वेलर्स असोसिएशन (IBJA) च्या ताज्या आकडेवारीनुसार, आज 24 कॅरेट सोन्याचा भाव तब्बल ₹2854 नी घसरला असून चांदी तब्बल ₹9130 प्रति किलोने स्वस्त झाली आहे.

🔸 24 कॅरेट सोन्याचा भाव घसरला

IBJA नुसार, आज 24 कॅरेट सोन्याचा दर जीएसटीसह ₹1,30,531 प्रति 10 ग्रॅम झाला आहे. काल हा दर ₹1,29,584 इतका होता. म्हणजेच, एका दिवसात जवळपास ₹2854 ची घसरण झाली आहे. जीएसटीशिवाय हा भाव सध्या ₹1,26,730 प्रति 10 ग्रॅम इतका आहे.

🔸 22 आणि 23 कॅरेट गोल्डचे दर

आज 23 कॅरेट सोन्याचा दरही ₹2842 नी घसरून ₹1,26,223 प्रति 10 ग्रॅम इतका झाला आहे, जो जीएसटीसह ₹1,30,009 वर पोहोचतो. 22 कॅरेट सोन्याचा भाव देखील ₹2414 नी कमी होऊन ₹1,16,085 प्रति 10 ग्रॅम झाला आहे. जीएसटीसह तो ₹1,19,567 पर्यंत पोहोचतो.

🔸 18 आणि 14 कॅरेट सोनं किती स्वस्त झालं?

18 कॅरेट सोन्याचा दर ₹2140 नी घसरून ₹95,048 प्रति 10 ग्रॅम झाला आहे. जीएसटीसह त्याची किंमत ₹97,899 आहे. तर 14 कॅरेट सोनं ₹1670 नी स्वस्त होऊन ₹74,137 वर आले आहे, आणि जीएसटीसह त्याचा दर ₹76,361 झाला आहे.

🔸 चांदीतही मोठी घसरण

चांदीच्या भावात तब्बल ₹9130 प्रति किलो इतकी घसरण झाली आहे. काल जीएसटीशिवाय चांदी ₹1,69,230 प्रति किलो होती, पण आज ती ₹1,60,100 वर आली आहे. जीएसटीसह सध्याची किंमत ₹1,64,903 प्रति किलो इतकी आहे.

🔸 ऑक्टोबर महिन्यातील सोन्या-चांदीची वाढ

ऑक्टोबर महिन्यात सोन्याचा दर ₹11,381 प्रति 10 ग्रॅमने वाढला होता, तर चांदी ₹17,666 प्रति किलोने महागली होती. आता दिवाळीच्या मुहूर्तावर भाव परत खाली आल्याने ग्राहकांसाठी ही खरेदीची उत्तम वेळ मानली जात आहे.