iQOO ने आपले दोन नवीन स्मार्टफोन अधिकृतपणे सादर केले आहेत. चीनमध्ये लाँच झालेल्या या डिव्हाइसचे नाव – iQOO Z10 Turbo आणि iQOO Z10 Turbo Pro असे आहे. कंपनीने हे दोन्ही फोन 16GB पर्यंत RAM आणि 512GB पर्यंत इंटरनल स्टोरेज पर्यायांसह बाजारात आणले आहेत.
Z10 Turbo ची सुरुवातीची किंमत चीनमध्ये 1799 युआन (21,025 रुपये) तर Z10 Turbo Pro ची सुरुवातीची किंमत 1999 युआन (सुमारे 23,365 रुपये) ठेवण्यात आली आहे. हे फोन चीनमध्ये विक्रीसाठी उपलब्ध झाले आहेत.
कंपनीने या फोन्समध्ये 7620mAh पर्यंतची बॅटरी आणि 120W पर्यंतची फास्ट चार्जिंग सुविधा दिली आहे. चला, या फोन्सच्या फिचर्स (Features) आणि स्पेसिफिकेशन्स (Specifications) विषयी सविस्तर जाणून घेऊया.
iQOO Z10 Turbo आणि Z10 Turbo Pro चे फिचर्स आणि स्पेसिफिकेशन्स
कंपनी या फोन्समध्ये 2800×1260 पिक्सल रिझोल्यूशनसह 6.78 इंचाचा 1.5K AMOLED डिस्प्ले देत आहे. फोन्समध्ये देण्यात आलेल्या डिस्प्लेचा रिफ्रेश रेट (Refresh Rate) 144Hz आहे. यांचा पीक ब्राइटनेस लेव्हल (Peak Brightness Level) 5500 निट्सपर्यंत आहे.
Z10 Turbo मध्ये 16GB पर्यंतची LPDDR5x RAM तर Z10 Turbo Pro मध्ये 16GB पर्यंतची LPDDR5x Ultra 9600Mbps RAM देण्यात आली आहे. प्रोसेसरबाबत (Processor) सांगायचे झाले तर Z10 Turbo मध्ये कंपनीने Dimensity 8400 चा वापर केला आहे, तर Z10 Turbo Pro मध्ये Snapdragon 8s Gen 4 प्रोसेसर दिला आहे.
फोटोग्राफीसाठी (Photography) दोन्ही फोन्समध्ये 50 मेगापिक्सलचा मेन कॅमेरा देण्यात आला आहे. Z10 Turbo मध्ये मेन कॅमेरासोबत 2 मेगापिक्सलचा डेप्थ सेन्सर दिला गेला आहे. तर Z10 Turbo Pro च्या बॅक पॅनलवर मेन कॅमेरासोबत 8 मेगापिक्सलचा अल्ट्रावाइड अँगल लेन्स (Ultrawide Angle Lens) मिळतो. सेल्फी (Selfie) आणि व्हिडिओ कॉलिंगसाठी दोन्ही फोन्समध्ये 16 मेगापिक्सलचा फ्रंट कॅमेरा उपलब्ध आहे.
Z10 Turbo मध्ये 7620mAh क्षमतेची बॅटरी देण्यात आली आहे, जी 90W फास्ट चार्जिंगला सपोर्ट करते. हा फोन 34 मिनिटांत 60% पर्यंत चार्ज होतो. दुसरीकडे, Z10 Turbo Pro मध्ये 7000mAh बॅटरी आणि 120W फास्ट चार्जिंगचा सपोर्ट आहे. हा फोन केवळ 33 मिनिटांत 100% चार्ज होतो.
कंपनीचे हे नवीन फोन्स Android 15 वर आधारित Origin OS 15 वर चालतात. या फोन्सना IP65 रेटिंग प्राप्त झाली आहे. बायोमेट्रिक सिक्युरिटीसाठी (Biometric Security) या दोन्ही फोन्समध्ये इन-डिस्प्ले फिंगरप्रिंट सेन्सर (In-display Fingerprint Sensor) देण्यात आला आहे.
