Jaya Bachchan Life Facts: जया बच्चन (Jaya Bachchan) त्यांच्या काळातील प्रसिद्ध अभिनेत्री होत्या. जयाने शोले, सिलसिला, गुड्डी, कोशिश, चुपके चुपके, पिया का घर, मिली आदींसह अनेक लोकप्रिय चित्रपटांमध्ये काम केले होते. मात्र, जया बच्चन केवळ अभिनयासाठीच नव्हे तर लेखन कौशल्यासाठीही ओळखल्या जातात. होय, अमिताभ यांच्या ‘शहेनशाह’ या अतिशय लोकप्रिय चित्रपटाची स्क्रिप्ट जया यांनी लिहिली होती. 1988 साली प्रदर्शित झालेला ‘शहेनशाह’ हा चित्रपट टिन्नू आनंदने दिग्दर्शित केला होता आणि तो त्या काळातील सुपर-डुपर हिट चित्रपट होता.
चित्रपटातील संवाद आजही प्रसिद्ध आहेत.
मीडिया रिपोर्ट्सनुसार, जया बच्चन यांनी ‘शहेनशाह’ चित्रपटाची कथा लिहिली आहे. या चित्रपटात अमिताभ यांच्यासोबत मीनाक्षी शेषाद्री मुख्य भूमिकेत होती. चित्रपट प्रदर्शित झाल्यानंतर अमिताभ आणि मीनाक्षी यांचे करिअर गगनाला भिडले. ‘रिश्ते में तो हम तुम्हारे बाप लगते हैं नाम है शहेनशाह’ या चित्रपटातील डायलॉग आजही लोकांमध्ये प्रसिद्ध आहे.
मात्र, या चित्रपटानंतर जया बच्चन यांनी इतर कोणत्याही चित्रपटाची कथा लिहिली नाही. मीडिया रिपोर्ट्सनुसार, चित्रपट रिलीज झाल्यानंतर अमिताभ आणि मीनाक्षीला खूप फायदा झाला होता, पण त्याचा फारसा फायदा जया यांना झाला नाही आणि त्यांच्या नावाचीही चर्चा झाली नाही. यानंतरच जया यांनी लेखन सोडून अभिनयावर लक्ष केंद्रित केल्याचे सांगितले जाते.
जया रागामुळे चर्चेत राहतात
जया बच्चन यांनी लग्नानंतर चित्रपटात काम करणे कमी केले होते. अभिनयासोबतच जया बच्चन राजकारणातही सक्रिय असून त्या समाजवादी पक्षाच्या राज्यसभेच्या खासदार आहेत. जया बच्चन त्यांच्या रागासाठी ओळखल्या जातात. अभिनेत्रीचे अनेक व्हिडिओ व्हायरल झाले आहेत ज्यात ती पापाराझींना फटकारताना दिसत आहे.
