संपलेल्या जुलै महिन्यात लाडक्या बहिणींच्या खात्यात निधी जमा न झाल्याने महिलांमध्ये चर्चा सुरू होती. मात्र, आता एक आनंदाची बातमी आहे. महिला व बालविकास मंत्री आदिती तटकरे यांनी सांगितले की, रक्षाबंधनाच्या पूर्वसंध्येला जुलै महिन्याचा सन्मान निधी (1500 रुपये) लाभार्थ्यांच्या खात्यात जमा केला जाईल.
रक्षाबंधनाची खास भेट
लाडक्या बहिणींना रक्षाबंधनाची भेट म्हणून जुलै महिन्याचा हप्ता वितरित केला जाणार आहे. आदिती तटकरे यांनी सोशल मीडिया प्लॅटफॉर्म एक्सवर ही माहिती दिली आहे. त्यांनी म्हटले आहे की, “मुख्यमंत्री माझी लाडकी बहीण योजनेच्या सर्व पात्र लाभार्थ्यांना रक्षाबंधनाच्या पूर्वसंध्येस जुलै महिन्याचा सन्मान निधी वितरित करण्यात येणार आहे.”
जुलै महिन्याचा हप्ता मिळणार
जुलै महिना संपला तरी सन्मान निधी खात्यात जमा न झाल्याने जुलै आणि ऑगस्ट अशा दोन महिन्यांचे एकत्र पैसे मिळतील अशी चर्चा होती. परंतु आता जुलै महिन्याचेच पैसे रक्षाबंधनाच्या पूर्वसंध्येला मिळणार आहेत.
अपात्र महिलांचा लाभ बंद
लाडकी बहीण योजनेच्या पडताळणीमध्ये लाखों महिलांचे अर्ज बाद करण्यात आले आहेत. निकष पूर्ण न केल्यामुळे या महिलांना यापुढे लाभ घेता येणार नाही.
युजर्सनी या योजनेच्या अटी आणि शर्तींची पूर्ण माहिती करून घ्यावी तसेच पात्रतेचे निकष तपासावेत. काही अडचणी असल्यास संबंधित खात्याच्या अधिकाऱ्यांशी संपर्क साधावा.
डिस्क्लेमर: ही बातमी सरकारी घोषणेवर आधारित आहे. लाभार्थ्यांनी अधिकृत स्रोतांतून माहितीची पुष्टी करावी.
