SIP vs LIC Return Comparison: दरमहा 5000 रुपये बाजूला ठेवून 10 वर्षांनी चांगला फंड उभा करायचा विचार अनेकांचा असतो. गुंतवणुकीसाठी LIC पॉलिसी किंवा SIP (Systematic Investment Plan) या दोन पर्यायांवर लोकांचा भर असतो. पण प्रश्न असा की या दोन्हीपैकी जास्त परतावा आणि सुरक्षितता कोण देतो? आकडेवारीच्या आधारे पाहूया.
LIC पॉलिसीतील परतावा
LIC च्या पारंपरिक पॉलिसी साधारणतः दरवर्षी 5% ते 6% इतका परतावा देतात. जर आपण 10 वर्ष दरमहा 5000 रुपये टाकले, तर एकूण गुंतवणूक 6 लाख रुपये होते. व्याज धरून परिपक्वतेवेळी रक्कम सुमारे 7.5 ते 8 लाख रुपये मिळू शकते. म्हणजे एकूण नफा सुमारे 1.5 ते 2 लाख रुपये एवढाच राहतो.
SIP मधील संभाव्य नफा
हीच 5000 रुपयांची रक्कम जर दरमहा SIP मध्ये गुंतवली, तर चित्र वेगळं दिसतं. 10 वर्षांत एकूण गुंतवणूक तेवढीच 6 लाख रुपये. मात्र सरासरी 12% वार्षिक परताव्यावर अंतिम रक्कम 11.5 ते 12 लाख रुपयांपर्यंत पोहोचू शकते. म्हणजेच सुमारे 5 ते 6 लाख रुपयांचा जास्त नफा मिळू शकतो. साध्या भाषेत सांगायचं तर SIP हा LIC पेक्षा जवळपास अडीच पट जास्त परतावा देऊ शकतो.
25 लाखांचा फंड कसा उभा राहील?
10 वर्षांत 25 लाख रुपयांचा फंड तयार करायचा स्वप्न असेल, तर LIC पॉलिसीने हे साधणं कठीण आहे. कारण त्यासाठी दरमहा खूप मोठा प्रीमियम द्यावा लागेल. मात्र SIP मध्ये दरमहा 10,000 रुपये 10 वर्षे गुंतवल्यास आणि सरासरी 12% परतावा धरल्यास अंतिम रक्कम 23 ते 24 लाख रुपयांपर्यंत जाऊ शकते. थोडी गुंतवणूक वाढवून 25 लाखांचा टार्गेट गाठणं सहज शक्य आहे.
कोणता पर्याय निवडावा?
LIC मध्ये सुरक्षितता आणि हमी असते, परंतु परतावा कमी असतो. तर SIP मध्ये जोखीम असली तरी दीर्घकालीन गुंतवणुकीत मोठा नफा मिळतो. तज्ञांच्या मते, सुरक्षित आणि हमीदार रक्कम हवी असल्यास LIC योग्य आहे. पण जोखीम पत्करण्याची तयारी असेल तर SIP हा उत्तम पर्याय ठरू शकतो.
Disclaimer:
या लेखातील गणिते व आकडेवारी सर्वसाधारण गुंतवणूक उदाहरणांवर आधारित आहेत. प्रत्यक्ष परतावा बाजारातील चढ-उतार, योजनेची अटी आणि वैयक्तिक गुंतवणुकीच्या तपशीलांनुसार बदलू शकतो. गुंतवणुकीपूर्वी आर्थिक सल्लागारांचा सल्ला घेणे आवश्यक आहे.
