पेंशन आणि पेंशनर कल्याण विभागाने देशभरात Digital Life Certificate Campaign 4.0 राबवण्याची घोषणा केली आहे. हा विशेष उपक्रम 1 ते 30 November 2025 दरम्यान देशातील 1600 पेक्षा जास्त जिल्ह्यांमध्ये होणार असून ज्येष्ठ नागरिक आणि दिव्यांग पेंशनर्सना घरपोच सेवा मिळणार आहे. आता पेंशनर्सना सरकारी कार्यालयात फेऱ्या मारण्याची गरज नाही, कारण जीवन प्रमाणपत्र थेट घरबसल्या सादर करता येणार आहे. या प्रक्रियेसाठी फेस ऑथेंटिकेशन तंत्रज्ञानाचा वापर केला जाणार आहे.
फेस ऑथेंटिकेशन म्हणजे काय
पेंशन मिळवण्यासाठी प्रत्येक वर्षी 1 ते 30 November दरम्यान जीवन प्रमाणपत्र देणे बंधनकारक असते. वेळेत प्रमाणपत्र न दिल्यास पेंशन रोखली जाऊ शकते. आधी हे प्रमाणपत्र देण्यासाठी शासकीय कार्यालयात जाणे गरजेचे होते. आता Aadhaar आधारित फेस ऑथेंटिकेशनमुळे मोबाईल कॅमेराच्या साहाय्याने चेहरा स्कॅन करून घरातूनच प्रमाणपत्र सबमिट करता येणार आहे. कॅमेरा तुमचा लाइव्ह चेहरा स्कॅन करून आधार डेटाशी जुळवतो आणि तत्काळ प्रमाणपत्र स्वीकारले जाते.
संपूर्ण प्रक्रिया स्टेप-बाय-स्टेप
Step 1
सर्वप्रथम आपल्या स्मार्टफोनवर Aadhaar Face RD Application डाउनलोड करा.
Step 2
यानंतर ‘Jeevan Pramaan App’ इन्स्टॉल करा.
Step 3
– अॅप उघडा. ‘Operator Authentication’ स्क्रीन दिसेल.
– Aadhaar चेकबॉक्स निवडून आधार क्रमांक टाका.
– मोबाइल व ईमेल आयडी लिहा आणि सबमिट करा.
– नोंदवलेल्या मोबाइल आणि ईमेलवर आलेला OTP टाका.
Step 4
नवीन स्क्रीनवर आपले नाव लिहा, चेकबॉक्स टिक करा आणि ‘Scan’ निवडा.
अॅप कॅमेरा वापरण्याची परवानगी मागेल, Yes वर क्लिक करा.
Step 5
स्क्रीनवरील सूचना वाचा, “I am aware of this” निवडा आणि Proceed वर टॅप करा.
Step 6
मोबाईल कॅमेरा तुमचा चेहरा स्कॅन करेल.
Step 7
आवश्यक माहिती भरून पुन्हा एकदा चेहरा स्कॅन करा. तुम्हाला प्रमाण ID आणि PPO नंबर मिळेल.
Step 8
शेवटी जीवन प्रमाणपत्र डाउनलोड करण्यासाठी Jeevan Pramaan वेबसाइटवर लॉगिन करा आणि प्रमाण ID टाका. लगेचच तुमचे प्रमाणपत्र उपलब्ध होईल.
पेंशनर्सना मोठा दिलासा
या डिजिटल उपक्रमामुळे ज्येष्ठ आणि दिव्यांग पेंशनर्सना जीवन प्रमाणपत्रासाठी होणारी धावपळ पूर्णपणे थांबणार आहे. फेस ऑथेंटिकेशन तंत्रज्ञानामुळे प्रक्रिया सुरक्षित, जलद आणि सोपी होणार आहे.
