Gold Price Today 23rd March 2023 : सोन्या-चांदीचे भाव कुठे स्थिरावतील याबाबत काहीही सांगणे घाईचे आहे. गेल्या काही दिवसांपासून सोन्या-चांदीत प्रचंड चढ-उतार पाहायला मिळत आहेत. फेब्रुवारी आणि मार्च महिन्यातच सोन्यात विक्रमी घसरण आणि तेजी या दोन्ही गोष्टी पाहायला मिळाल्या.
अलीकडेच सोन्याने 60,000 रुपयांची पातळी ओलांडली होती. मात्र आता त्यात पुन्हा घट दिसून येत आहे. येत्या काळात सोने 65,000 रुपयांचा विक्रम करू शकते, असे बाजारातील तज्ज्ञांचे म्हणणे आहे.
सोन्या-चांदीमध्ये चढ-उतार
फेब्रुवारीच्या अखेरीस सोने 55,000 रुपयांपर्यंत खाली आले होते. पण आता पुन्हा ते 59,000 च्या जवळ जात आहे. म्हणजेच तीन आठवड्यांपेक्षा कमी कालावधीत सोन्याने 5,000 रुपयांपर्यंतच्या रेंज मध्ये व्यवहार केले आहेत. तसेच 71,000 रुपयांच्या उच्चांकावर पोहोचलेल्या चांदीचा भाव 61,000 रुपयांपर्यंत खाली आला होता. त्यात गेल्या काही दिवसांपासून तेजी पाहिल्यानंतर आता पुन्हा नरमाईचे वातावरण आहे. जागतिक बाजारातील मंदीच्या काळात सोन्या-चांदीच्या दोन्ही दरात चढ-उतारांचा काळ आहे.
MCX वर दोन्ही धातूंमध्ये वाढ
गुरुवारी, मल्टी-कमोडिटी एक्सचेंज (MCX) वर सोने आणि चांदीचे दर वाढले. गुरुवारी सकाळी सोन्याचा भाव 464 रुपयांच्या वाढीसह 59220 रुपये प्रति 10 ग्रॅमवर होता. त्याचप्रमाणे चांदीचा भावही 457 रुपयांनी चढून 69766 रुपये प्रति किलोच्या पातळीवर व्यवहार करत आहे. याआधी बुधवारी सोन्याचा भाव 58756 रुपयांवर तर चांदीचा भाव 69309 रुपयांवर बंद झाला होता.
सराफा बाजारात चांदीची घसरण, सोन्याने तेजी दाखवली
सराफा बाजाराचे दर दररोज दुपारी 12 वाजता इंडिया बुलियन्स असोसिएशन ( https://ibjarates.com ) द्वारे प्रसिद्ध केले जातात. एक दिवसापूर्वी, बुधवारी संध्याकाळी 24 कॅरेट सोन्याचा भाव किरकोळ वाढून 58637 रुपये प्रति 10 ग्रॅमचा स्तर गाठला होता. त्याचवेळी चांदीचा भाव घसरून 68221 रुपये प्रति किलोवर बंद झाला. बुधवारी 23 कॅरेट सोन्याचा भाव 58402 रुपये, 22 कॅरेट सोन्याचा दर 53712 रुपये आणि 20 कॅरेट सोन्याचा दर 43978 रुपये प्रति 10 ग्रॅम झाला.
