Gold Price Today on 16th February : तुमच्या घरात किंवा कुटुंबात येत्या काळात लग्न असेल, तर तुमच्यासाठी सोने खरेदीसाठी सुवर्ण काळ चालू आहे. गेल्या काही दिवसांत वेगाने विक्रम रचणाऱ्या सोन्याच्या दरात २३०० रुपयांची घसरण झाली आहे. याशिवाय चांदीच्या दरातही सुमारे चार हजार रुपयांची घट झाली आहे. भाव कमी झाल्याने नागरिकांनी सुटकेचा नि:श्वास घेतला आहे. 2 फेब्रुवारी 2023 रोजी सोन्याचा दर 58882 रुपयांच्या विक्रमी पातळीवर पोहोचला होता. याशिवाय 16 जानेवारीला चांदीने 69167 रुपयांची विक्रमी पातळी गाठली होती. मात्र आता त्यांच्यात मोठी घसरण होताना दिसत आहे.
MCX वर सोन्या-चांदी मध्ये तेजी
सराफा बाजारात सोन्याचा भाव घसरला असला तरी, गुरुवारी मल्टी-कमोडिटी एक्स्चेंज (MCX) वर सोने आणि चांदी दोन्हीमध्ये वाढ झाली. दोन आठवड्यांपूर्वी सोने 58,000 रुपये आणि चांदी 71,000 रुपयांवर पोहोचली होती. गुरुवारी दुपारी मल्टी कमोडिटी एक्सचेंज (MCX) वर सोने 46 रुपयांच्या वाढीसह 56172 रुपयांवर व्यवहार करताना दिसून आले. त्याचवेळी चांदीच्या दरातही 152 रुपयांची वाढ होऊन तो 65573 रुपयांवर व्यवहार करताना दिसत आहे. याआधी बुधवारी सोन्याचा भाव 56126 रुपये आणि चांदीचा भाव 65421 रुपये प्रति किलोवर बंद झाला होता.
सराफा बाजारात संमिश्र कल
गुरुवारी पुन्हा सराफा बाजारात सोन्या-चांदीच्या दरात संमिश्र कल दिसून आला. इंडिया बुलियन्स असोसिएशन ( https://ibjarates.com ) ने गुरुवारी जाहीर केलेल्या किमतीनुसार , २४ कॅरेट सोने प्रति १० ग्रॅम ५६३४३ रुपयांच्या पातळीवर घसरले. चांदीच्या दरात किंचित वाढ दिसून आली आणि तो 65474 रुपये प्रति किलोवर व्यवहार करत आहे. बुधवारी सोने 56478 रुपये प्रति 10 ग्रॅम आणि चांदी 65411 रुपये प्रति किलोवर बंद झाली.
गुरुवारी 23 कॅरेट सोन्याचा दर 56117 रुपये प्रति 10 ग्रॅम, 22 कॅरेटचा दर 51610 रुपये प्रति 10 ग्रॅम आणि 18 कॅरेटचा दर 42257 रुपये प्रति 10 ग्रॅमवर पोहोचला.
