Edible Oil Price Update: सणासुदीच्या तोंडावर स्वयंपाकघराचा खर्च वाढवणारी बातमी आहे. जीएसटी 2.0 नंतर केंद्र सरकारने खाद्यतेलांसाठी नवे दर जाहीर केले आहेत. मात्र बाजारातील आकडेवारी सांगते की कडधान्ये आणि भाजीपाला स्वस्त होत असतानाही खाद्यतेलाचे दर आकाशाला भिडले आहेत.
सणासुदीपूर्वी खाद्यतेल दर वाढले
सप्टेंबरमधील महागाई आकडे पाहता डाळी आणि भाज्यांच्या किमती खाली आल्या असल्या तरी खाद्यतेलाच्या किंमतींनी वेग घेतला आहे. तज्ञांच्या मते, सणासुदीच्या काळात दर आणखी वाढू शकतात. जूनमध्ये खाद्यतेलावरची महागाई दर 17.75% इतकी नोंदली गेली.
edible oil price
सरकारी उपायांचा मर्यादित परिणाम
दर कमी करण्यासाठी केंद्राने केलेली शुल्ककपातही फारशी उपयोगी ठरलेली नाही. मोहरीच्या तेलाच्या किंमतीत 27% तर सूर्यफुलाच्या तेलात तब्बल 31% वाढ झाली आहे. गेल्या वर्षी प्रति लिटर 140 रुपये असलेले मोहरी तेल आता 178 रुपयांवर पोहोचले आहे.
इतर खाद्यतेलांच्या किमतींची स्थिती
गेल्या वर्षभरात इतर खाद्यतेलांचे दरही लक्षणीय वाढले आहेत.
सूर्यफूल तेल: 122 रुपयांवरून 160 रुपये प्रति लिटर
पाम तेल: 99 रुपयांवरून 130 रुपये प्रति लिटर
सोयाबीन तेल: 120 रुपयांवरून 146 रुपये प्रति लिटर
तर सामान्य भाजीपाला तेल 124 रुपयांवरून आता 157 रुपयांपर्यंत गेले आहे.
जूनमधील महागाईचा आढावा
जून महिन्यात किरकोळ अन्न महागाईने 74 महिन्यांतील नीचांक गाठला. भाज्यांच्या किमती तब्बल 19% ने कमी झाल्या. तरीही खाद्यतेल दर वाढल्याने ग्राहकांना दिलासा मिळालेला नाही.
शुल्ककपातीनंतरची नवी दररचना
केंद्र सरकारने सुर्यफूल, सोयाबीन आणि पाम यांसारख्या क्रूड ऑइलवरील सीमाशुल्क 20% वरून 10% पर्यंत कमी केले. तसेच क्रूड आणि रिफाइंड तेलातील शुल्कातील फरक 8.75% वरून 19.25% करण्यात आला. उद्दिष्ट म्हणजे ग्राहकांना कमी दरात तेल उपलब्ध करून देणे. मात्र बाजारातील वास्तविक परिस्थिती वेगळीच चित्र दाखवत आहे.
