SIP Reality Check: ₹1000 इतक्या छोट्या रकमेपासून SIP सुरू करून करोडपती बनण्याची स्वप्ने तुम्ही ऐकली असतील. पण या गोष्टीची वास्तवता काय आहे? खरंच इतक्या थोडक्या गुंतवणुकीतून करोडपती होणं शक्य आहे का? चला आकड्यांच्या आधारावर पाहूया की या दाव्यांमध्ये किती तथ्य आहे.
40 वर्षांपर्यंत नियमित SIP करावी लागेल
जर तुम्ही दर महिन्याला ₹1000 ची SIP सुरू केली आणि दरवर्षी सरासरी 12% रिटर्न मिळाल्यास, तर 30 वर्षांनंतर तुमच्याकडे सुमारे ₹30 लाख जमा होतील. परंतु 1 कोटी रुपयांपर्यंत पोहोचायचं असेल, तर तुम्हाला ही SIP तब्बल 40 वर्षांपर्यंत सुरू ठेवावी लागेल. तेव्हाच ही रक्कम ₹98 लाख ते ₹1 कोटीपर्यंत पोहोचू शकते. पण इतक्या काळात प्रत्येक वर्षी 12% रिटर्न मिळेल, अशी खात्री देता येत नाही. मार्केटच्या चढ-उतारामुळे रिटर्न कमी झाल्यास ही रक्कम आणखीही कमी होऊ शकते.
महागाईचा परिणाम दुर्लक्ष करू नका
गृहीत धरूया की तुम्ही 40 वर्षांपर्यंत SIP केली आणि अखेरीस ₹1 कोटी जमा झाला. पण या रकमेची त्या वेळची मूल्य काय असेल? जर महागाई दर सरासरी 6% मानला, तर 30 वर्षांनंतर ₹1 कोटीची खरेदीशक्ती फक्त ₹17.41 लाख इतकीच राहील. म्हणजे जे आज ₹1 कोटीमध्ये मिळतं, त्यासाठी तुम्हाला 2055 मध्ये ₹5-6 कोटी खर्चावे लागतील. 40 वर्षांनंतर हीच रक्कम केवळ ₹9.7 लाख एवढीच राहील. 50 वर्षांनंतर तर याची किंमत फक्त ₹5.43 लाख इतकी राहील. त्यामुळे तुमचं स्वप्न ‘कोटीपती’ होण्याचं असलं, तरी वास्तवात तुमची आर्थिक स्थिती फारशी बदललेली नसते.
निष्कर्ष
₹1000 च्या SIP द्वारे दीर्घकाळात 1 कोटी रुपयांचा निधी तयार होऊ शकतो. पण महागाईच्या पार्श्वभूमीवर या रकमेची वास्तविक किंमत फारच कमी असते. त्यामुळे ‘SIP मुळे करोडपती’ होण्याचा दावा करताना त्यामागचं सत्य समजून घेणं आवश्यक आहे.
Disclaimer: वरील लेख केवळ आर्थिक शिक्षणाच्या उद्देशाने आहे. गुंतवणूक करण्यापूर्वी आर्थिक सल्लागाराचा सल्ला घेणे आवश्यक आहे. बाजारातील बदल, रिटर्न व महागाई यांवर परिणाम होऊ शकतो.
