Business Idea : जर तुम्हाला रेल्वेमध्ये नोकरी करायची असेल तर आज आम्ही तुमच्यासाठी एक चांगली कल्पना घेऊन आलो आहोत. यामध्ये तुम्ही नोकरीसारखा बिजनेस करू शकता. हा असाच एक बिजनेस आहे. जिथे नोकरीप्रमाणे तुम्हाला दर महिन्याला मोठी कमाई करण्याची संधी मिळेल.
इंडियन रेल्वे केटरिंग अँड टुरिझम कॉर्पोरेशन (IRCTC) ही रेल्वेची सेवा आहे. याद्वारे रेल्वे तिकीट बुकिंग सोबतच अनेक सुविधा पुरवते. IRCTC च्या मदतीने तुम्ही दरमहा हजारो रुपये कमवू शकता. यासाठी तुम्हाला कुठेही जाण्याची गरज नाही. तुम्हाला फक्त तिकीट एजंट बनायचे आहे.
रेल्वे काउंटरवर (Railway ticket counter) क्लर्क ज्या पद्धतीने तिकीट कापतात. त्याचप्रमाणे तुम्हाला प्रवाशांचे तिकीटही कापावे लागणार आहे. यासाठी, सर्वप्रथम, तुम्हाला IRCTC वेबसाइटला भेट देऊन एजंट होण्यासाठी अर्ज करावा लागेल. त्यानंतर तुम्ही अधिकृत तिकीट बुकिंग एजंट व्हाल. मग तुम्ही तिकीट बुक करू शकता आणि महिन्याला लाखो रुपये कमवू शकता.
भरघोस कमिशन मिळवा
कोणत्याही प्रवाशासाठी, नॉन-एसी कोच तिकीट बुक करण्यासाठी प्रति तिकिट 20 रुपये आणि एसी वर्ग तिकीट बुक करण्यासाठी 40 रुपये प्रति तिकीट कमिशन उपलब्ध आहे. याशिवाय तिकिटाच्या किमतीच्या एक टक्का रक्कमही एजंटला दिली जाते.
IRCTC एजंट बनण्याचा आणखी एक मोठा फायदा म्हणजे तिकीट बुक करण्यावर कोणतीही मर्यादा नाही. एका महिन्यात तुम्हाला हवी तितकी तिकिटे बुक करू शकता. याशिवाय 15 मिनिटांत तत्काळ तिकीट बुक करण्याचाही पर्याय आहे. एजंट म्हणून, तुम्ही देशांतर्गत आणि आंतरराष्ट्रीय विमान तिकीट तसेच रेल्वे तिकीट बुक करू शकता.
फी भरावी लागेल
जर तुम्हाला एका वर्षासाठी एजंट व्हायचे असेल तर IRCTC ला 3,999 रुपये शुल्क भरावे लागेल. त्याच वेळी, 2 वर्षांसाठी हे शुल्क 6,999 रुपये आहे. एजंट म्हणून एका महिन्यात 100 तिकिटे बुक करण्यासाठी 10 रुपये प्रति तिकीट शुल्क भरावे लागेल.
तर महिन्याभरात 101 ते 300 तिकिटांचे बुकिंग करण्यासाठी प्रति तिकिट 8 रुपये आणि एका महिन्यात 300 पेक्षा जास्त तिकिटांचे बुकिंग करण्यासाठी 5 रुपये शुल्क भरावे लागते. यामध्ये तिकीट बुकिंगसाठी कोणतीही मर्यादा नाही. तुम्ही एका महिन्यात कितीही तिकिटे बुक करू शकता. त्याच वेळी, तत्काळ तिकीट बुकिंगची सुविधा 15 मिनिटांत उपलब्ध आहे.
