8th Pay Commission Update: केंद्र सरकारच्या कर्मचाऱ्यांना आणि पेन्शनधारकांना 8th Pay Commission च्या शिफारशीची प्रतिक्षा अजून थोडी वाढणार आहे. मात्र याच दरम्यान दिवाळीपूर्वी मिळू शकणाऱ्या ‘गुड न्यूज’ने कर्मचाऱ्यांच्या उत्साहात भर पडली आहे.
दिवाळीपूर्वी DA वाढीची शक्यता
मीडिया रिपोर्ट्सनुसार, येत्या दिवाळीपूर्वी Dearness Allowance (DA) वाढवण्याचा मोठा निर्णय होऊ शकतो. सध्या केंद्र सरकारच्या कर्मचाऱ्यांना 55 टक्के DA मिळतो. नवीन दर लागू झाल्यास देशभरातील जवळपास 1.2 कोटी कर्मचारी आणि पेन्शनधारकांना थेट फायदा होईल. दसरा-दिवाळीसारख्या मोठ्या सणांच्या खर्चासाठी ही अतिरिक्त रक्कम उपयोगी ठरणार आहे.
यावेळी किती वाढू शकतो DA?
तज्ज्ञांच्या मते वाढत्या महागाईचा विचार करता या वेळेस DA मध्ये 3 टक्के वाढ अपेक्षित आहे. साधारणपणे दरवर्षी जानेवारी आणि जुलैमध्ये DA वाढवला जातो. जुलै 2025 साठी 3 ते 4 टक्के वाढ होऊ शकते, असा अंदाज वर्तवला जात आहे. मात्र, या वाढीचा पगारावर परिणाम फेब्रुवारी-मार्च किंवा सप्टेंबर-ऑक्टोबरमध्येच दिसून येतो. जानेवारी आणि जुलैचा एरियर मिळाल्यामुळे कर्मचाऱ्यांच्या खात्यात एकत्रितपणे चांगली रक्कम जमा होते, ज्यामुळे वाढत्या महागाईशी सामना करणे सोपे जाते.
8th Pay Commission कधी लागू होणार?
अहवालांनुसार, 8th Pay Commission 2027 ऐवजी 2026 च्या सुरुवातीला लागू होऊ शकतो. यासंदर्भात गेल्या महिन्यात Government Employees National Confederation (GENC) च्या प्रतिनिधींनी केंद्रीय मंत्री जितेंद्र सिंह यांची भेट घेतली होती. त्यांनी राज्य सरकारांसोबत या विषयावर सक्रिय चर्चा सुरू असल्याचे सांगितले आहे. त्यामुळे आयोग आणि त्याच्या पॅनलसंदर्भातील अधिकृत घोषणा लवकरच होण्याची शक्यता आहे.
पगार किती वाढेल?
DA वाढल्यानंतर कर्मचाऱ्यांच्या मासिक पगारात थेट वाढ होईल. उदाहरणार्थ, जर एखाद्या कर्मचाऱ्याचा बेसिक पगार 50,000 रुपये असेल, तर 3 टक्के DA वाढीनंतर त्याला दर महिन्याला अंदाजे 3,000 रुपयांची अतिरिक्त रक्कम मिळू शकते. DA ची गणना CPI-IW (Consumer Price Index for Industrial Workers) या फॉर्म्युल्यावर होते आणि श्रम ब्युरोकडून दर महिन्याला याबाबत आकडेवारी जाहीर केली जाते.
