भारतातील सर्वाधिक विक्री होणारी मोटरसायकल Hero Splendor Plus आता आणखी स्वस्त झाली आहे. GST 2.0 लागू झाल्यानंतर या लोकप्रिय बाईकची किंमत कमी झाली असून फेस्टिव्ह सीझनमध्ये नवी बाईक घेण्याची ही योग्य वेळ ठरू शकते.
HERO SPLENDOR PLUS ची नवी किंमत
पूर्वी 28% GST सह Hero Splendor Plus ची एक्स-शोरूम दिल्ली किंमत 80,166 रुपये होती. कर 18% पर्यंत कमी झाल्यामुळे ही बाईक आता फक्त 73,764 रुपयांपासून उपलब्ध आहे. म्हणजे ग्राहकांना जवळपास 6,402 रुपयांचा थेट लाभ मिळतो.
डिझाईन आणि स्टाईल
Hero Splendor Plus चा क्लासिक आणि साधा लूक सर्व वयोगटांमध्ये लोकप्रिय आहे. नव्या मॉडेलमध्ये आकर्षक ग्राफिक्स आणि ड्युअल-टोन कलर ऑप्शन्स दिले आहेत. हेवी ग्रे विथ ग्रीन, ब्लॅक विथ पर्पल आणि मॅट शील्ड गोल्ड या रंगांत बाईक अधिक स्टायलिश दिसते. कॉम्पॅक्ट बॉडी व हलकं वजन यामुळे ही बाईक शहरात आणि ग्रामीण भागात सहज चालवता येते.
इंजिन व मायलेज
Splendor Plus मध्ये 97.2cc BS6 Phase-2 OBD2B एअर-कूल्ड इंजिन मिळतं, जे 8.02 PS पॉवर आणि 8.05 Nm टॉर्क निर्माण करतं. 4-स्पीड गिअरबॉक्ससह ही बाईक अंदाजे 87 kmph टॉप स्पीड देते. सर्वात मोठा आकर्षण म्हणजे मायलेज—या बाईकचा सरासरी इंधन वापर 70–80 kmpl आहे, ज्यामुळे ती अजूनही भारतातील सर्वाधिक फ्यूल-इफिशियंट कम्यूटर बाईक मानली जाते.
इतर पर्याय व नवे दर
GST कपातीनंतर इतर लोकप्रिय बाईक्सही स्वस्त झाल्या आहेत.
-
TVS Raider – नव्या दरानुसार 87,625 रुपयांपासून सुरू, जवळपास 7,700 रुपयांची बचत.
-
Hero HF Deluxe – 60,738 रुपयांपासून सुरू, सुमारे 5,805 रुपयांपर्यंत फायदा.
-
Honda Shine 125 – 85,590 रुपयांपासून सुरू, जवळपास 7,443 रुपयांपर्यंत सवलत.
-
Honda SP 125 – 93,247 रुपयांपासून सुरू, सर्वाधिक म्हणजे 8,447 रुपयांपर्यंत बचत.
कोणती बाइक तुमच्यासाठी योग्य?
जास्त मायलेज आणि बजेटमध्ये बाइक हवी असल्यास Hero HF Deluxe किंवा Splendor Plus सर्वोत्तम ठरतील. स्टायलिश लुक आणि अॅडव्हान्स फीचर्ससाठी TVS Raider किंवा Honda SP 125 आकर्षक आहेत. दीर्घकाळ टिकणारी व 125cc सेगमेंटमधील विश्वसनीय बाइक हवी असल्यास Honda Shine 125 हा उत्तम पर्याय आहे
