पब्लिक प्रव्हिडंट फंड (PPF) ही दीर्घकालीन बचत योजना असली तरी योग्य नियोजन केल्यास निवृत्तीच्या काळात नियमित उत्पन्न देणारा सुरक्षित पर्याय ठरू शकतो. बाजारातील जोखीम नसल्यामुळे अनेक जण निवृत्तीचा निधी तयार करण्यासाठी ही योजना निवडतात.
पीपीएफमध्ये गुंतवणुकीचे दीर्घकालीन नियोजन
पीपीएफ खाते उघडल्यानंतर गुंतवणूक 15 वर्षांसाठी लॉक होते. मुदत पूर्ण झाल्यानंतर हे खाते पुढील 5 वर्षांच्या टप्प्यांत वाढवता येते. वाढीव कालावधीत अतिरिक्त रक्कम जमा न केली तरी शिल्लक रकमेवर निश्चित व्याज मिळत राहते. तसेच वर्षातून एकदा ठराविक मर्यादेत पैसे काढण्याचा पर्यायही उपलब्ध असतो.
रुपये 5,000 मासिक गुंतवणुकीवर अंदाजे परतावा
- मासिक गुंतवणूक: रुपये 5,000
- व्याजदर: वार्षिक 7.1%
- 15 वर्षांत एकूण गुंतवणूक: रुपये 9,00,000
- 15 वर्षांनंतर मिळणारी रक्कम: रुपये 16,27,284
- वाढीव पाच वर्षांत मिळणारे वार्षिक व्याज: रुपये 1,16,427
- यावर आधारित अंदाजे मासिक व्याज: रुपये 9,628
रुपये 12,500 मासिक गुंतवणुकीवर अंदाजे परतावा
- मासिक गुंतवणूक: रुपये 12,500
- व्याजदर: वार्षिक 7.1%
- 15 वर्षांत एकूण गुंतवणूक: रुपये 22,50,000
- 15 वर्षांनंतर मिळणारी रक्कम: रुपये 40,68,209
- वाढीव कालावधीतील वार्षिक व्याज: रुपये 2,88,842
- अंदाजे मासिक व्याज: रुपये 24,070
पीपीएफ खाते उघडण्याची प्रक्रिया
- नेटबँकिंगमध्ये लॉगिन करून PPF खाते उघडण्याचा पर्याय निवडा.
- खाते स्वतःच्या नावाने की अल्पवयीन मुलाच्या नावाने उघडायचे ते ठरवा.
- वैयक्तिक माहिती व आवश्यक तपशील भरा.
- पॅन आणि इतर माहिती पडताळून पहा.
- खाते सक्रिय झाल्यानंतर जमा करायची रक्कम निश्चित करा.
- हप्ता भरायचा किंवा एकरकमी रक्कम जमा करायची हे ठरवा.
- मोबाईलवर आलेला OTP किंवा ट्रान्झॅक्शन पासवर्ड भरून प्रक्रिया पूर्ण करा.
आवश्यक कागदपत्रे
- आधार कार्ड
- पॅन कार्ड
- पत्त्याचा पुरावा
- नामनिर्देशन फॉर्म
- पासपोर्ट आकाराचा फोटो
(माहितीचा संदर्भ: इंडिया पोस्ट, क्लिअरटॅक्स)
