MHADA HOUSING UPDATE: महाराष्ट्र गृहनिर्माण व क्षेत्रविकास प्राधिकरण (म्हाडा) ने 2025-26 या आर्थिक वर्षासाठी मोठ्या प्रमाणात घरबांधणी योजना हाती घेतल्या आहेत. मुंबईपासून विदर्भापर्यंत नव्या घरांसह भूखंडांचे प्रकल्प पुढील काही महिन्यांत सुरू होणार आहेत.

मुंबईत सामान्यांसाठी मर्यादित घरे

मुंबईत सामान्य नागरिकांसाठी फक्त 1474 घरे उपलब्ध होणार आहेत. यात अत्यल्प उत्पन्न गटासाठी 109, अल्प गटासाठी 789, मध्यम गटासाठी 437 आणि उच्च गटासाठी 139 घरांचा समावेश आहे. तसेच 98 संक्रमण शिबिरांचे बांधकामही नियोजित आहे. याशिवाय गिरणी कामगारांसाठी 4215 घरे उभारली जाण्याची शक्यता आहे.

घरमालकाची बोलती बंद करणारे हे नियम प्रत्येक भाडेकरू व्यक्तीला माहीत पाहिजेत

राज्यात साडेअकरा हजारांहून अधिक प्रकल्प

राज्यात एकूण 11,500 पेक्षा जास्त घरांच्या प्रकल्पांना हिरवा कंदील मिळाला आहे. कोकण गृहनिर्माण मंडळाने 7951 नव्या घरांना मंजुरी दिली असून अत्यल्प गटासाठी 346, अल्प गटासाठी 7399 आणि मध्यम गटासाठी 206 घरे यामध्ये आहेत. पुणे मंडळाने 1482 घरांसाठी निर्णय घेतला आहे, ज्यात अत्यल्प गटासाठी 222 आणि अल्प गटासाठी 138 घरे आहेत.

Samsung चा 5G फोन एवढा स्वस्त कसा? किंमत पाहून डोळे विस्फारतील

नाशिक, संभाजीनगर आणि अमरावतीतील प्रगती

नाशिक गृहनिर्माण मंडळाने फक्त 64 घरांची उभारणी ठरवली आहे. छत्रपती संभाजीनगरात अत्यल्प गटासाठी 1344 आणि अल्प गटासाठी 138 घरे उभारली जाणार आहेत. अमरावतीत म्हाडा प्रामुख्याने भूखंड विक्रीवर भर देत असून अत्यल्प गटासाठी 95, अल्प गटासाठी 154 आणि मध्यम गटासाठी 352 भूखंड देण्यात येतील. येथे फक्त 54 सदनिका बांधण्याचा निर्णय घेतला आहे.

नागपूर विभागाचे प्रकल्प

नागपूर गृहनिर्माण मंडळाने 621 घरांच्या उभारणीची योजना आखली आहे. यात अत्यल्प गटासाठी 176, अल्प गटासाठी 200, मध्यम गटासाठी 202 आणि उच्च गटासाठी 43 घरे समाविष्ट आहेत. तसेच अल्प गटासाठी 424 आणि मध्यम गटासाठी 20 भूखंड देण्यात येणार आहेत.

दर महिन्याला ₹5000 PPF मध्ये भरल्यास किती वाढेल पैसा? संपूर्ण कॅल्क्युलेशन पाहा

म्हाडाचे दीर्घकालीन उद्दिष्ट

म्हाडाचे उपाध्यक्ष व मुख्य कार्यकारी अधिकारी संजीव जायस्वाल यांनी राज्यभर 2 लाख घरे उभारण्याचा संकल्प व्यक्त केला आहे. झोपडपट्टी पुनर्वसन योजनेसह जुन्या इमारतींच्या पुनर्विकासातूनही मोठ्या प्रमाणावर घरे निर्माण करण्यावर भर दिला जाणार आहे.

मार्च 2025 पर्यंत उपलब्ध झालेली घरे

मार्च 2025 अखेरपर्यंत म्हाडाने वितरित केलेल्या घरांची संख्या अशी आहे: मुंबई 2,57,921, कोकण 86,181, पुणे 56,991, नागपूर 51,603, नाशिक 9,622, अमरावती 7,183, छत्रपती संभाजीनगर 23,236 आणि इमारत दुरुस्ती व पुनर्रचना मंडळ 36,600.

डिस्क्लेमर: या बातमीत नमूद केलेली आकडेवारी आणि घरबांधणी प्रकल्पांची माहिती उपलब्ध अहवालांवर आधारित आहे. प्रत्यक्ष प्रकल्पांच्या वेळापत्रकात आणि घरांच्या संख्येत बदल होऊ शकतो. खरेदी किंवा गुंतवणूक करण्यापूर्वी अधिकृत स्रोतांकडून अद्ययावत माहिती तपासा.