Central Government Employees Pensions: केंद्र सरकारने केंद्रीय कर्मचाऱ्यांसाठी महत्त्वाचा निर्णय घेतला आहे. डिपार्टमेंट ऑफ पेंशन अँड पेंशनर्स वेलफेअरने मंगळवारी प्रसिद्ध केलेल्या नोटिफिकेशननुसार CCS (UPS Rules 2025) अंतर्गत New Pension Scheme (NPS) मधील कर्मचाऱ्यांसाठी नवीन तरतुदी लागू होणार आहेत. या बदलामुळे स्वेच्छानिवृत्ती (VRS) घेऊ इच्छिणाऱ्या कर्मचाऱ्यांना महत्त्वाचा फायदा होणार आहे.
नवीन नियमांनुसार VRS ची संधी
CCS (UPS Rules 2025) नुसार, New Pension Scheme मध्ये समाविष्ट असलेल्या केंद्रीय कर्मचाऱ्यांना आता 20 वर्षांची सेवा पूर्ण केल्यानंतर स्वेच्छानिवृत्ती म्हणजेच VRS घेता येणार आहे. मात्र संपूर्ण पेन्शन पेआउटचा लाभ मिळवण्यासाठी कर्मचाऱ्यांना 25 वर्षांची नोकरी पूर्ण करणे बंधनकारक आहे.
22 वर्षांनंतर रिटायरमेंट घेतल्यास काय?
उदाहरणार्थ, एखाद्या कर्मचाऱ्याने 22 वर्षांची सेवा पूर्ण केल्यानंतर VRS घेतले, तर त्याला VRS ची परवानगी मिळेल. परंतु त्याला फुल पेन्शन फक्त 25 वर्षांची सेवा पूर्ण झाल्यानंतरच मिळेल. म्हणजेच 22 वर्षांनंतर रिटायर झाल्यास त्याला पेन्शनचा पूर्ण लाभ मिळणार नाही.
मंत्रालयाचा अधिकृत खुलासा
मिनिस्ट्री ऑफ पर्सनल, ग्रिव्हंसेज अँड पेंशन्सने जाहीर केलेल्या निवेदनात स्पष्ट केले आहे की, UPS योजनेअंतर्गत 20 वर्षांनंतर VRS घेण्याची सवलत असली तरी Full Assured Payout केवळ 25 वर्षांची पात्र सेवा पूर्ण केल्यानंतरच मिळणार आहे. 20 ते 25 वर्षांदरम्यान VRS घेणाऱ्यांना प्रो-राटा पद्धतीने पेन्शन मिळेल.
याचा अर्थ—जितकी सेवा तितकी पेन्शन. उदाहरणार्थ, 22 वर्षे सेवा केलेल्या कर्मचाऱ्याला 25 वर्षांच्या संपूर्ण पेन्शनमधील 22/25 म्हणजेच 88% रक्कम मिळेल. मात्र हा लाभ नियमित निवृत्ती वय (superannuation age) गाठल्यानंतरच लागू होईल.
कोणाला मिळणार या योजनेचा फायदा
ही नवीन तरतूद विशेषतः New Pension Scheme अंतर्गत कार्यरत केंद्रीय कर्मचाऱ्यांसाठी आहे. त्यामुळे दीर्घकालीन सेवा करणाऱ्या कर्मचाऱ्यांना याचा मोठा फायदा होईल. या निर्णयामुळे कर्मचाऱ्यांना वेळेआधी निवृत्ती घेण्याची लवचिकता मिळेल, पण संपूर्ण पेन्शनसाठी 25 वर्षे सेवा देणे आवश्यक आहे.
