PM Kisan 20th installment latest news: प्रधानमंत्री किसान सन्मान निधी (पीएम किसान) ही केंद्र सरकारची एक महत्वाची योजना आहे जी पात्र शेतकऱ्यांना वार्षिक ₹6,000 आर्थिक सहाय्य देते. 2019 मध्ये सुरू झालेली ही योजना दर चार महिन्यांनी ₹2,000 च्या तीन समान हप्त्यांमध्ये लाभार्थ्यांच्या बँक खात्यात थेट हस्तांतरित केली जाते.

आत्तापर्यंत शेतकऱ्यांच्या खात्यात 19 हप्ते जमा झाले आहेत आणि आता 20व्या हप्त्याची प्रतीक्षा आहे. याच दरम्यान, कृषी मंत्रालयाने एक्सवर एक ट्विट केले आहे.

कृषी मंत्रालयाचे ट्विट

27 जुलै रोजी कृषी मंत्रालयाने आपल्या ट्विटमध्ये एक क्विझ पोस्ट केली आहे ज्यामध्ये युजर्सना विचारले आहे की पीएम किसान योजना कोणते मंत्रालय चालवते? चार पर्याय दिले आहेत- कृषी व शेतकरी कल्याण मंत्रालय, ग्रामीण विकास मंत्रालय, वित्त मंत्रालय आणि अन्न प्रक्रिया मंत्रालय. यापूर्वी, कृषी मंत्रालयाने लाभार्थींना सतर्क राहून अपडेट्स तपासण्याचा सल्ला दिला होता.

20व्या हप्त्याची अपेक्षित तारीख

विविध मीडिया रिपोर्ट्सनुसार, पीएम किसानचा पुढील हप्ता 2 ऑगस्टला जारी केला जाऊ शकतो. त्या दिवशी पंतप्रधान नरेंद्र मोदी वाराणसीमध्ये एका मोठ्या कार्यक्रमात सहभागी होणार आहेत.

ज्यात उत्तर प्रदेशसाठी 1 हजार कोटी रुपयांची घोषणा केली जाणार आहे. असे मानले जाते की त्याच दिवशी पीएम किसानचा 20वा हप्ता जारी केला जाऊ शकतो, तरीही अधिकृत घोषणा बाकी आहे. शेतकऱ्यांनी pmkisan.gov.in वर लक्ष ठेवावे. सामान्यतः हे हप्ते चार महिन्यांच्या अंतराने – फेब्रुवारी, जून आणि ऑक्टोबरमध्ये – जारी केले जातात, परंतु 20व्या हप्त्यात उशीर झाला आहे.