देशभरातील 9.8 कोटींपेक्षा जास्त शेतकरी PM Kisan Yojanaच्या पुढील हप्त्याची आतुरतेने वाट पाहत आहेत. अशी माहिती समोर आली आहे की पंतप्रधान नरेंद्र मोदी लवकरच या योजनेचा 20वा हप्ता जाहीर करू शकतात. मात्र, सध्या तरी यासंदर्भात अधिकृत तारीख किंवा ठिकाणाची घोषणा करण्यात आलेली नाही. संबंधित घोषणा PM Kisan Yojanaच्या अधिकृत वेबसाइटवर केली जाईल. दरम्यान, कृषी मंत्रालयाने शेतकऱ्यांना सोशल मीडियावर पसरवण्यात येणाऱ्या अफवांपासून सावध राहण्याचं आवाहन केलं आहे.
कृषी विभागाचं स्पष्टीकरण
कृषी मंत्रालयाच्या अंतर्गत येणाऱ्या PM Kisan Samman Nidhiच्या अधिकृत “X” (पूर्वीचे ट्विटर) अकाउंटवर 18 जुलै रोजी पोस्ट करण्यात आली होती. या पोस्टमध्ये असं नमूद करण्यात आलं की – “प्रिय शेतकरी बांधवांनो, PM-Kisanच्या नावाने सोशल मीडियावर फिरणाऱ्या खोट्या माहितीकडे दुर्लक्ष करा. फक्त अधिकृत वेबसाइट http://pmkisan.gov.in आणि @pmkisanofficial वरच विश्वास ठेवा. बनावट लिंक, कॉल आणि मेसेजपासून सावध रहा.”
योजनेची थोडक्यात माहिती
PM-Kisan Samman Nidhi योजनेअंतर्गत पात्र शेतकऱ्यांना वर्षाला ₹6,000 आर्थिक मदत दिली जाते. ही रक्कम ₹2,000 च्या तीन समान हप्त्यांमध्ये थेट शेतकऱ्यांच्या खात्यात ट्रान्सफर केली जाते. यापूर्वी फेब्रुवारी 2025 मध्ये पंतप्रधान मोदींनी बिहारमधील भागलपूर येथून 19वा हप्ता जाहीर केला होता. त्या वेळी 9.8 कोटी शेतकऱ्यांना एकूण ₹22,000 कोटींचा निधी ट्रान्सफर करण्यात आला होता. सध्या देशभरातील शेतकरी 20व्या हप्त्याची वाट पाहत आहेत.
हप्ता कधी जाहीर होणार?
साधारणतः प्रत्येक चार महिन्यांनी हा हप्ता दिला जातो. त्यामुळे जून महिन्यातच 20वा हप्ता मिळण्याची अपेक्षा होती. मात्र, 18 जुलैपर्यंतही हा हप्ता जाहीर करण्यात आलेला नाही. तसेच उशीर का झाला यासंदर्भात कोणतेही अधिकृत स्पष्टीकरणही देण्यात आलेले नाही. गेल्या वर्षीचा विचार करता, जून महिन्याचा हप्ता त्या महिन्याच्या अखेरीस दिला गेला होता.
शेतकऱ्यांसाठी सूचना
शेतकऱ्यांनी कोणत्याही अफवांवर विश्वास न ठेवता फक्त अधिकृत स्त्रोतांवरूनच माहिती मिळवावी. बनावट मेसेज, लिंक किंवा फोन कॉलद्वारे फसवणूक होण्याची शक्यता असते, त्यामुळे काळजी घेणे आवश्यक आहे.
Disclaimer: वरील माहिती ही सार्वजनिक स्रोतांवर आधारित असून, योजनेशी संबंधित कोणतीही अधिकृत घोषणा PM Kisan Yojanaच्या अधिकृत वेबसाइटवरूनच करण्यात येईल. कृपया कोणतीही आर्थिक किंवा वैयक्तिक निर्णय घेताना अधिकृत स्त्रोतांची खात्री करून घ्या.
