EPF Interest Credit 2025: नोकरी करणाऱ्यांसाठी अत्यंत महत्त्वाची बातमी आहे. EPFO (Employees’ Provident Fund Organisation) या आठवड्यात सर्व खातेदारांच्या खात्यात 8.25% व्याज जमा करण्याची प्रक्रिया पूर्ण करणार आहे. केंद्र सरकारने मे 2025 मध्ये आर्थिक वर्ष 2024-25 साठी 8.25% व्याजदराला मंजुरी दिली होती. हा व्याजदर सध्या बहुतांश फिक्स्ड इनकम योजनांपेक्षा जास्त असून, रिटायरमेंटसाठी दीर्घकालीन गुंतवणुकीच्या दृष्टीने अतिशय फायदेशीर ठरतो.
केंद्रीय कामगार मंत्री मनसुख मांडविया यांच्या माहितीनुसार, आतापर्यंत 32.39 कोटी खात्यांमध्ये व्याज जमा करण्यात आलं असून उर्वरित खात्यांमध्येही याच आठवड्यात व्याज जमा होईल.
PF BALANCE ऑनलाइन कसा तपासाल?
EPF खात्याचा शिल्लक तपासण्यासाठी EPFO च्या वेबसाइटवरून काही सोप्या स्टेप्स फॉलो करून बॅलन्स पाहता येतो:
- सर्वप्रथम EPFO च्या अधिकृत वेबसाइटला भेट द्या.
- “Our Services” टॅबमधून “For Employees” वर क्लिक करा.
- नंतर “Member Passbook” पर्याय निवडा.
- आपला UAN (Universal Account Number) आणि पासवर्ड वापरून लॉगिन करा.
- त्यानंतर Member ID निवडा आणि तुमचं पीएफ शिल्लक आणि व्याजाची माहिती स्क्रीनवर दिसेल.
UMANG APP वापरून मिळवा माहिती
जर तुम्ही मोबाईल अ‍ॅपद्वारे माहिती मिळवणं पसंत करत असाल, तर UMANG अ‍ॅपद्वारेही पीएफ बॅलन्स पाहता येतो:
- UMANG अ‍ॅप डाउनलोड करा.
- “All Services” विभागात जा आणि “EPFO” निवडा.
- “Employee Centric Services” मध्ये “View Passbook” वर क्लिक करा.
- इथे तुमच्या खात्याची सर्व माहिती, शिल्लक आणि ट्रान्झॅक्शन डिटेल्स दिसतील.
मिस्ड कॉलद्वारे मिळवा बॅलन्स माहिती
स्मार्टफोन नसतानाही पीएफ बॅलन्स तपासणं शक्य आहे. तुम्ही 9966044425 या नंबरवर तुमच्या नोंदणीकृत मोबाईल नंबरवरून मिस्ड कॉल दिल्यास, थोड्याच वेळात SMS द्वारे तुमचा बॅलन्स आणि अंतिम जमा झालेली रक्कम तुमच्या मोबाईलवर येईल. मात्र, त्यासाठी:
- तुमचा मोबाईल नंबर UAN पोर्टलवर रजिस्टर्ड आणि अ‍ॅक्टिवेटेड असावा.
- UAN शी आधार, पॅन किंवा बँक अकाउंट यापैकी किमान एक KYC लिंक असणं आवश्यक आहे.
SMS द्वारे त्वरित बॅलन्स मिळवा
EPFO बॅलन्स मिळवण्याचा आणखी एक सोपा पर्याय म्हणजे SMS. त्यासाठी UAN अ‍ॅक्टिवेटेड आणि eKYC पूर्ण असणं गरजेचं आहे. खालीलप्रमाणे SMS पाठवा:
- तुमच्या रजिस्टर्ड मोबाईलवरून 7738299899 या क्रमांकावर हा मेसेज पाठवा:
EPFOHO UAN HIN - येथे UAN ऐवजी तुमचा 12 अंकी UAN नंबर टाका.
- HIN म्हणजे हिंदी. इंग्रजीसाठी ENG आणि मराठीसाठी MAR वापरता येईल.
तपासा – तुमच्या खात्यात व्याज जमा झालंय का?
वरील कोणताही पर्याय वापरून तुम्ही लगेचच तुमच्या खात्यात 8.25% व्याज जमा झालंय की नाही, हे तपासू शकता. ही रक्कम दीर्घकालीन बचतीचा महत्त्वाचा भाग असून, निवृत्ती नियोजनासाठी उपयुक्त ठरते. त्यामुळे ही माहिती मिळवणं अत्यावश्यक आहे.
डिस्क्लेमर: वरील माहिती EPFO कडून उपलब्ध अधिकृत स्त्रोतांवर आधारित आहे. व्याज जमा होण्याची प्रक्रिया संपूर्णपणे EPFO कडून केली जाते, त्यात कोणतेही विलंब किंवा अडथळे आले तरी अचूक माहिती जाणून घेण्यासाठी EPFO च्या अधिकृत पोर्टल किंवा हेल्पलाइनचा वापर करावा.
