वनप्लसने अलीकडेच आपला नवीन स्मार्टफोन OnePlus 13T लाँच केला आहे. या लाँचनंतर एका मुलाखतीत वनप्लस चायना चे प्रेसिडेंट Li Jie यांनी सांगितले की, कंपनी मे महिन्यात Ace ब्रँडचे नवीन डिव्हाइसेस लाँच करणार आहे. वनप्लसचे हे नवीन फोन Ace 5 Series (एस 5 सीरीज) चे असू शकतात.
या फोन्सची नावे OnePlus Ace 5s, OnePlus Ace 5 Supreme Edition आणि OnePlus Ace 5 Racing Edition अशी असू शकतात. टिपस्टर Digital Chat Station च्या माहितीनुसार, एस 5 रेसिंग एडिशन फोन हा Dimensity 9400e (डाइमेंसिटी 9400e) चिपसेटसह येणारा पहिला डिव्हाइस असेल.
परफॉर्मन्समध्ये Snapdragon 8 Gen 3 पेक्षा जास्त दमदार
रिपोर्ट्सनुसार, वनप्लस एस 5 सीरीजच्या नवीन डिव्हाइसेसमध्ये (एस 5 रेसिंग एडिशन) देण्यात येणारा Dimensity 9400e (डाइमेंसिटी 9400e) चिपसेट हा Dimensity 9300+ (डाइमेंसिटी 9300+) चा अपग्रेडेड वर्जन असणार आहे. असा दावा केला जात आहे की, परफॉर्मन्सच्या बाबतीत हा Snapdragon 8 Gen 3 (स्नॅपड्रॅगन 8 जेन 3) पेक्षा जास्त उत्कृष्ट असेल.
टिपस्टरच्या म्हणण्यानुसार, वनप्लस एस 5 रेसिंग एडिशन कंपनीच्या Fengchi Gaming Kernel (फेंगची गेमिंग कर्नल) सह येणार आहे, ज्यामुळे यूजर्सना जबरदस्त गेमिंग एक्सपीरियन्स मिळणार आहे.
मिळू शकते 7000mAh ची दमदार बॅटरी
लीक रिपोर्ट्सनुसार, कंपनी एस 5 रेसिंग एडिशनमध्ये 6.77 इंचाचा OLED LTPS (ओएलईडी एलटीपीएस) फ्लॅट डिस्प्ले देणार आहे. या फोनमध्ये Optical Fingerprint Scanner (ऑप्टिकल फिंगरप्रिंट स्कॅनर) दिला जाऊ शकतो.
फोटोग्राफीसाठी या फोनमध्ये 50 मेगापिक्सलच्या मुख्य लेन्ससह ड्युअल रियर कॅमेरा सेटअप मिळणार आहे. तसेच सेल्फीसाठी 16 मेगापिक्सलचा फ्रंट कॅमेरा असू शकतो. फोनला पॉवर देण्यासाठी 7000mAh ची बॅटरी दिली जाऊ शकते, जी 80 वॉट फास्ट चार्जिंगला सपोर्ट करेल.
एस 5 सुप्रीम एडिशनमध्ये मिळणार Dimensity 9400+ प्रोसेसर
OnePlus Ace 5 Supreme Edition बाबत बोलायचे झाल्यास, हा फोन Dimensity 9400+ (डाइमेंसिटी 9400+) चिपसेटसह येऊ शकतो. हा चिपसेट MediaTek (मीडियाटेक) चा आतापर्यंतचा सर्वात पॉवरफुल चिपसेट असण्याची शक्यता आहे. या फोनमध्ये देण्यात येणारा डिस्प्ले आणि बॅटरी, रेसिंग एडिशन प्रमाणेच असू शकते.
एकंदरीत पाहता, कंपनीच्या एस सीरीजचे हे नवीन फोन्स गेमिंग-फोकस्ड असणार आहेत. तुम्हाला यात टॉप क्लास फोटोग्राफी अनुभव मिळेलच असे नाही, मात्र असं मानलं जातंय की कंपनी या फोनमध्ये फ्लॅगशिप लेव्हलचा प्रायमरी कॅमेरा देणार आहे.
