Samsung आपले फ्लॅगशिप फोल्डेबल डिव्हाइसेससह ऑडिओ डिव्हाइसेसच्या नव्या श्रेणीसाठी तयारी करत आहे. लोकप्रिय टिपस्टर Ice Universe च्या माहितीनुसार, कंपनीचे MX डिव्हिजन जुलै महिन्यात होणाऱ्या Galaxy Unpacked Event मध्ये आपला पहिला Bone Conduction Headphone, ज्याचे कोडनेम “Able” आहे, लाँच करणार आहे.
हा हेडफोन Galaxy Z Fold 7 आणि Z Flip 7 सोबत लॉन्च होण्याची शक्यता आहे. Samsung चा हा नवीन ऑडिओ डिव्हाइस युनिक डिझाइनमध्ये येणार आहे. चला तर मग, या डिव्हाइसबाबत सविस्तर जाणून घेऊया.
हा हेडफोन कानात घालण्याची गरज नाही!
GizmoChina च्या रिपोर्टनुसार, Able Headphone मध्ये Open Wireless Stereo (OWS) तंत्रज्ञानाचा वापर केला जाईल, जो पारंपरिक Earbuds पेक्षा वेगळा आहे. Bone Conduction तंत्रज्ञानाच्या मदतीने Mechanical Vibration द्वारे Skull (खोपडी) मधून आवाज ट्रान्समिट केला जातो, ज्यामुळे कानाच्या नळीवर कोणताही भार पडत नाही.
या हेडफोनचे फायदे आणि तोटे
या तंत्रज्ञानाचे अनेक फायदे आहेत, विशेषतः रनर, सायकलस्वार आणि प्रवाशांसाठी हे उपयुक्त ठरू शकते. कारण हे वापरताना म्युझिक किंवा कॉल एन्जॉय करत असताना बाह्य वातावरणाची जाणीव राहते. पारंपरिक Earbuds पेक्षा हे हेडफोन कानाचा थकवा कमी करतात आणि अतिरिक्त सुरक्षा स्तर पुरवतात, ज्यामुळे ते शहरी वातावरणासाठी आदर्श ठरतात.
तथापि, Bone Conduction तंत्रज्ञानास काही मर्यादा देखील आहेत. यामध्ये Sound Fidelity मध्ये काही प्रमाणात तडजोड करावी लागते तसेच Sound Leakage ची शक्यता असते.
Bone Conduction Headphones ची मागणी वेगाने वाढतेय
Samsung चा या सेगमेंटमध्ये प्रवेश Open-Ear Audio Solutions च्या वाढत्या मागणीला दर्शवतो. True Wireless Stereo (TWS) Earphones च्या वाढत्या ट्रेंडमुळे त्यांचे ग्लोबल शिपमेंट मोठ्या प्रमाणात वाढत आहे. याच पार्श्वभूमीवर Samsung आपल्या Audio Offerings चा विस्तार करत आहे.
Able Headphone लाँच झाल्यानंतर Bone Conduction Market मध्ये Samsung एक सशक्त स्पर्धक म्हणून उदयास येऊ शकतो. विशेषतः Shokz सारख्या प्रस्थापित ब्रँडना Samsung कडून मोठी स्पर्धा मिळण्याची शक्यता आहे. याशिवाय, Samsung सारख्या टेक जायंट कडून या तंत्रज्ञानात इनोव्हेशन वाढण्याची शक्यता असून, हे हेडफोन जगभरातील ग्राहकांसाठी अधिक सहज उपलब्ध होऊ शकतात.
