Oppo लवकरच आपला नवा स्मार्टफोन Oppo Find X8 Ultra बाजारात सादर करणार आहे. रिपोर्टनुसार हा फोन 10 एप्रिल रोजी चीनमध्ये लॉन्च होण्याची शक्यता आहे. या फोनसाठी कंपनीने दोन वेगवेगळे मॉडेल नंबर – PKJ110 आणि PKU110 रजिस्टर केले आहेत.
यातील PKJ110 हे स्टँडर्ड व्हर्जन दर्शवते, तर PKU110 हे सॅटेलाइट कम्युनिकेशन एडिशनचे मॉडेल नंबर आहे. लॉन्चपूर्वीच TENAA सर्टिफिकेशन वेबसाईटवर या डिव्हाइसचे डिझाईन आणि स्पेसिफिकेशन्स समोर आले आहेत.
Oppo Find X8 Ultra मध्ये अनेक प्रीमियम फीचर्स पाहायला मिळतील. TENAA लिस्टिंगनुसार, फोनमध्ये 6.82-इंचाचा फ्लॅट OLED डिस्प्ले असेल, ज्याचे रिझोल्यूशन 3168×1440 पिक्सल असेल. याचा रिफ्रेश रेट 120Hz असेल, त्यामुळे युजरला स्मूद अनुभव मिळेल. फोटोग्राफीसाठी, या फोनमध्ये LED फ्लॅशसह 50MP मेन कॅमेरा आणि 2MP सेकंडरी कॅमेरा दिला जाईल. सेल्फीसाठी, यामध्ये 32MP फ्रंट कॅमेरा मिळणार आहे.
बायोमेट्रिक सिक्योरिटीसाठी, फोनमध्ये अल्ट्रासोनिक अंडर-डिस्प्ले फिंगरप्रिंट सेंसर दिला जाईल. हा फोन 16GB पर्यंत RAM आणि 1TB पर्यंत स्टोरेज (RAM/Storage Options) मध्ये येऊ शकतो. प्रोसेसर म्हणून यामध्ये Snapdragon 8 Elite Chipset वापरण्यात आला आहे. यामध्ये 6100mAh क्षमतेची बॅटरी दिली जाईल जी 100W फास्ट चार्जिंगला सपोर्ट करेल.
विशेष म्हणजे, हा फोन 50W वायरलेस चार्जिंग सपोर्टसह येईल. याला IP68/IP69 वॉटर आणि डस्ट रेसिस्टंस रेटिंग देखील मिळाली आहे. याच्या लेफ्ट एजवर एक नवीन पुश बटण दिले जाईल, जे अलर्ट स्लाइडरचा पर्याय असेल. Oppo Find X8 Ultra तीन रंगांमध्ये येईल – Starry Black, Moonlight White, आणि Morning Light.
