टेक ब्रँड Lenovo ने भारतीय बाजारात नवीन Lenovo IdeaPad Slim 5 Gen 10 AI लॅपटॉप लॉन्च केला आहे. हा लॅपटॉप दोन स्क्रीन साइजमध्ये उपलब्ध आहे – 14 इंच आणि 16 इंच. प्रीमियम फीचर्स असलेल्या या लॅपटॉपमध्ये AMD Ryzen AI 300 सीरीज प्रोसेसर, Zen 5 कोर, RDNA 3.5 ग्राफिक्स आणि AI क्षमता वाढवण्यासाठी XDNA 2 NPU मिळते. चला, या डिव्हाइसची सविस्तर माहिती जाणून घेऊया.
Lenovo IdeaPad Slim 5 चे स्पेसिफिकेशन्स
या लॅपटॉपमध्ये 14 इंचाचा WUXGA OLED डिस्प्ले असून तो 120Hz रिफ्रेश रेट सपोर्ट करतो. तर 16 इंच वेरिएंटमध्ये नॉन-टच IPS किंवा 2.8K OLED डिस्प्ले पर्याय उपलब्ध आहे. 500nits ब्राइटनेस आणि अँटी-ग्लेअर फीचर यामध्ये देण्यात आले आहे.
Lenovo IdeaPad Slim 5 मध्ये Ryzen AI 7 350 प्रोसेसर, 32GB DDR5 रॅम आणि 1TB M.2 SSD स्टोरेज आहे. Windows 11 असलेल्या या लॅपटॉपमध्ये 1080p FHD IR हायब्रिड कॅमेरा, बॅकलिट कीबोर्ड आणि 60Wh बॅटरी मिळते.
कनेक्टिव्हिटीसाठी WiFi 7, Bluetooth 5.4, दोन USB-C पोर्ट्स, दोन USB-A पोर्ट्स, HDMI 2.1 आणि हेडफोन जॅक यांचा सपोर्ट आहे. याशिवाय, या लॅपटॉपमध्ये अनेक AI-आधारित फीचर्स आणि टूल्स उपलब्ध आहेत.
Lenovo IdeaPad Slim 5 ची किंमत आणि उपलब्धता
भारतामध्ये Lenovo IdeaPad Slim 5 ची किंमत ₹91,990 पासून सुरू होते. हा लॅपटॉप लूना ग्रे आणि कॉस्मिक ब्लू या दोन रंगांमध्ये उपलब्ध आहे. ग्राहक Lenovo च्या अधिकृत वेबसाइटसह ई-कॉमर्स प्लॅटफॉर्म्स आणि ऑनलाइन रिटेलर्समधून हा लॅपटॉप खरेदी करू शकतात.
यामध्ये CTO (Custom To Order) पर्याय दिला आहे, ज्याद्वारे ग्राहक आपल्या आवडीनुसार लॅपटॉपच्या स्पेसिफिकेशन्स कस्टमाइझ करू शकतात. तसेच Lenovo Premium Care सपोर्ट देखील मिळतो.
