itel A80 Launch: स्मार्टफोन निर्माता कंपनी itel ने आज आपला एक बजेट-फ्रेंडली स्मार्टफोन बाजारात लाँच केला आहे. कंपनीने itel A80 लाँच केला असून, या स्मार्टफोनमध्ये 50 मेगापिक्सलचा कॅमेरा आणि 8GB RAM देण्यात आले आहे.
त्याचप्रमाणे, ही एक बजेट स्मार्टफोन आहे, ज्याची किंमत कंपनीने 10,000 रुपयांपेक्षा कमी ठेवली आहे. या फोनचे डिझाईन देखील अतिशय आकर्षक आहे.
itel A80 Features
तुमच्या माहितीसाठी सांगायचं तर, कंपनीने या फोनमध्ये 6.67 इंची पंच होल डिस्प्ले उपलब्ध करून दिला आहे. हा डिस्प्ले 120Hz रिफ्रेश रेटला सपोर्ट करतो. याशिवाय, फोनमध्ये 4GB RAM आणि 128GB इंटर्नल स्टोरेज देण्यात आले आहे, ज्याला 4GB वर्च्युअल RAM सपोर्ट मिळतो. यामुळे एकूण 8GB RAM उपलब्ध होईल. त्याचप्रमाणे, हा फोन UniSoC T603 ऑक्टाकोर चिपसेट प्रोसेसरने सुसज्ज आहे.
itel A80 Camera setup
स्मार्टफोनच्या कॅमेरा सेटअपबद्दल बोलायचं तर, डिव्हाईसमध्ये कंपनीने 50 मेगापिक्सलचा प्रायमरी कॅमेरा दिला आहे. तसेच, सेल्फी आणि व्हिडीओ कॉलसाठी फोनमध्ये 8 मेगापिक्सलचा फ्रंट कॅमेरा देखील उपलब्ध आहे.
पॉवरसाठी, फोनमध्ये 5000mAh ची दमदार बॅटरी दिली आहे, जी 10W चार्जिंग सपोर्ट करते. या फोनला IP54 रेटिंग मिळालेली आहे, ज्याचा अर्थ तो पाणी आणि धुळीपासून सुरक्षित आहे. itel A80 च्या रियरमध्ये टेक्सचर्ड डिझाईन आहे, ज्यामुळे त्याला प्रीमियम लूक मिळतो.
हा फोन Android 14 Go ऑपरेटिंग सिस्टमवर कार्य करतो. यासोबतच, साइड फिंगरप्रिंट सेन्सर आणि फेस अनलॉक फीचर्स देखील उपलब्ध आहेत.
itel A80 Price
फोनची किंमत सांगायचं तर, कंपनीने itel A80 ची किंमत 6,999 रुपये ठेवली आहे. हे फोन Sandstone Black, Glacier White, आणि Wave Blue रंगांमध्ये बाजारात उपलब्ध आहेत. तुम्ही हा फोन देशभरातील रिटेल स्टोअर्सवर सहजपणे खरेदी करू शकता.
Samsung Galaxy F05 ला टक्कर
itel A80 च्या लाँचसह, हा फोन Samsung Galaxy F05 ला टक्कर देईल, ज्याची किंमत ई-कॉमर्स साइट Flipkart वर सध्या 6,999 रुपये आहे. या फोनमध्ये 4GB RAM आणि 64GB स्टोरेज दिलं आहे. यासोबतच, SD कार्ड स्लॉट देखील आहे, ज्यामुळे स्टोरेज 1TB पर्यंत वाढवता येईल.
या डिव्हाईसमध्ये 50 मेगापिक्सलचा प्रायमरी कॅमेरा आणि 2 मेगापिक्सलचा सेकंडरी कॅमेरा उपलब्ध आहे. सेल्फी आणि व्हिडीओ कॉलसाठी 8 मेगापिक्सलचा फ्रंट कॅमेरा आहे. पॉवरसाठी, स्मार्टफोनमध्ये 5000mAh ची बॅटरी दिली आहे.
