SBI customer Shockd: जर तुम्ही भारतीय स्टेट बँक (SBI) चे ग्राहक असाल, तर ही बातमी तुमच्यासाठी चिंतेची ठरू शकते. एसबीआयने आपल्या क्रेडिट कार्डसंबंधी काही महत्त्वाचे नियम बदलले आहेत, ज्यामुळे ग्राहकांना अतिरिक्त शुल्क द्यावे लागणार आहे. हे नवीन नियम 1 नोव्हेंबर 2024 पासून लागू होणार आहेत. विशेषतः, विजेचे, गॅसचे, आणि पाण्याचे बिल (Utility Bills) क्रेडिट कार्डने भरल्यास आता अतिरिक्त शुल्क लागणार आहे.

कोणते बदल झाले आहेत?

1. युटिलिटी बिल्सवर 1% अतिरिक्त शुल्क

1 नोव्हेंबरपासून एसबीआयच्या क्रेडिट कार्डने विजेचे, गॅसचे, किंवा पाण्याचे बिल भरल्यास 1% अतिरिक्त शुल्क लागू होणार आहे. याआधी काही इतर बँका आणि कार्ड कंपन्याही युटिलिटी बिल भरल्यावर एक ठराविक लिमिटनंतर हे शुल्क आकारत होत्या.

एसबीआयने देखील आता ₹50,000 पेक्षा जास्त बिल भरल्यास हे शुल्क लावण्याचा निर्णय घेतला आहे. त्यामुळे एसबीआयच्या कोट्यवधी ग्राहकांवर याचा परिणाम होणार आहे.

2. फाइनान्स चार्जमध्ये बदल

एसबीआयने आपल्या (Unsecured Credit Cards) म्हणजेच अनसिक्योर्ड क्रेडिट कार्डसाठीही फाइनान्स चार्जमध्ये बदल केला आहे. 1 नोव्हेंबर 2024 पासून, अनसिक्योर्ड क्रेडिट कार्डवर 3.75% फाइनान्स चार्ज आकारला जाईल. यामध्ये “शौर्य/डिफेन्स क्रेडिट कार्ड” वगळले गेले आहेत.

अनसिक्योर्ड क्रेडिट कार्डसाठी कोणत्याही प्रकारच्या सिक्युरिटी डिपॉजिट किंवा कॅलॅटरलची आवश्यकता नसते, तर सिक्योर्ड क्रेडिट कार्डसाठी फिक्स्ड डिपॉजिट (FD) च्या आधारे क्रेडिट दिले जाते.