देशातील सर्वात मोठी सरकारी बँक State Bank of India (SBI) आपल्या ग्राहकांसाठी महत्वाचा बदल लागू करत आहे. डिजिटल व्यवहारांच्या वाढत्या वापराच्या पार्श्वभूमीवर SBI ने लोकप्रिय mCASH सेवा बंद करण्याचा निर्णय घेतला आहे. 30 November 2025 नंतर OnlineSBI आणि YONO Lite वर mCASH द्वारे पैसे पाठवणे किंवा क्लेम करणे उपलब्ध राहणार नाही. म्हणजेच 1 December 2025 पासून ही सुविधा पूर्णपणे बंद होणार आहे.
mCASH ही अशी सुविधा होती, ज्यामध्ये ग्राहकांना beneficiary न जोडताही फक्त मोबाइल नंबर किंवा email ID टाकून तात्काळ पैसे पाठवता येत होते. प्राप्तकर्त्याला secure link आणि 8-digit पासकोड मिळत असे. त्याद्वारे तो रक्कम आपल्या कोणत्याही बँक खात्यात transfer करू शकत होता.
सेवा बंद करण्यामागचं कारण
SBI च्या निवेदनानुसार, mCASH ही जुनी तंत्रज्ञानावर आधारित सुविधा असल्याने ती आता हटवण्यात येत आहे. बँकेनं ग्राहकांना UPI, IMPS, NEFT, RTGS सारखे आधुनिक आणि सुरक्षित digital payment पर्याय वापरण्याचा सल्ला दिला आहे. या सर्व पद्धती वेगवान, विश्वासार्ह आणि सुरक्षित असल्याचे बँकेचे मत आहे.
ग्राहकांसाठी नवीन मार्गदर्शन
SBI ने ग्राहकांना सूचना दिली आहे की त्यांनी digital transactions साठी BHIM SBI Pay (UPI App), IMPS आणि इतर electronic transfer services वापरण्यास सुरुवात करावी. UPI द्वारे payment करणे अत्यंत सोपं असून वापरकर्ते VPA, Account Number–IFSC किंवा QR Code वापरून सहज पैसे पाठवू शकतात.
कोणावर होईल सर्वाधिक परिणाम?
ज्या ग्राहकांनी beneficiary न जोडताच थेट पैसे पाठवण्यासाठी mCASH चा वापर केला, त्यांच्यावर या निर्णयाचा थेट परिणाम होणार आहे. UPI आणि IMPS सारखे पर्याय अधिक सुरक्षित असले तरी mCASH हटल्याने काहींना आपल्या banking पद्धतींमध्ये बदल करावा लागेल.
