स्टेट बँक ऑफ इंडियाने (SBI) ATM वापरासंदर्भात मोठे बदल केले असून वारंवार रोकड काढणाऱ्या ग्राहकांना आता अधिक शुल्काचा सामना करावा लागू शकतो. फेब्रुवारी आणि मे 2025 पासून लागू झालेल्या नियमांमुळे ATM व्यवहार आधीपेक्षा महाग झाले आहेत. त्यामुळे SBI खातेधारकांनी फ्री ट्रान्झॅक्शन लिमिट कशी वापरायची, कोणत्या व्यवहारावर किती शुल्क आकारले जाते याची माहिती ठेवणे अत्यंत महत्त्वाचे आहे.
नवीन नियम नेमके काय?
1 February 2025 पासून SBI ने फ्री ATM ट्रान्झॅक्शनसाठी नवे एकसमान नियम लागू केले. आता सर्व ग्राहकांना महिन्याला SBI ATM वर 5 फ्री ट्रान्झॅक्शन आणि इतर बँक ATM वर 10 फ्री ट्रान्झॅक्शन मिळतात. म्हणजेच एकूण 15 फ्री व्यवहार महिन्याला उपलब्ध असतात.
खात्यात 1 lakh पेक्षा जास्त रक्कम असल्यास फायदा
जर कोणत्याही ग्राहकाचा मासिक सरासरी बॅलन्स 1 lakh पेक्षा जास्त असेल, तर SBI त्यांना SBI तसेच इतर बँकांच्या ATM वर अनलिमिटेड फ्री ट्रान्झॅक्शन देते.
फ्री लिमिट संपल्यानंतर किती शुल्क?
फ्री लिमिट संपताच ATM मधून पैसे काढणे महाग होते.
- SBI ATM: ₹15 + GST प्रति ट्रान्झॅक्शन
- इतर बँक ATM: ₹21 + GST प्रति ट्रान्झॅक्शन
मे 2025 पासून RBI च्या नव्या नियमांनुसार फ्री लिमिटनंतर ATM इंटरचेंज फी वाढून ₹23 प्रति ट्रान्झॅक्शन झाली आहे.
बॅलन्स चेक आणि मिनी स्टेटमेंटचे शुल्क
- SBI ATM वर बॅलन्स चेक आणि मिनी स्टेटमेंट पूर्णपणे मोफत.
- इतर बँक ATM वर त्याच सेवांसाठी ₹10 + GST आकारले जाते.
व्यवहार फेल झाल्यास दंड
जर बॅलन्स कमी असल्यामुळे ATM व्यवहार फेल झाला, तर SBI ₹20 + GST पेनल्टी आकारते. हा नियम आधीपासून लागू आहे.
ग्राहकांसाठी काय महत्वाचे?
फ्री लिमिट संपल्यावर शुल्क वाढत असल्याने ग्राहकांनी ATM चा वापर विचारपूर्वक करावा.
- वारंवार छोटे व्यवहार न करता एकदाच आवश्यक रक्कम काढणे चांगले.
- डेबीट कार्डऐवजी UPI, Net Banking किंवा Mobile Banking वापरल्यास अतिरिक्त शुल्क टाळता येईल.
SBI च्या मते, डिजिटल व्यवहारांना प्रोत्साहन देण्यासाठी हे बदल करण्यात आले आहेत. त्यामुळे ग्राहकांनी आता ATM वापराचे नियोजन अधिक काळजीपूर्वक करणे आवश्यक आहे.
