खाजगी क्षेत्रातील HDFC Bank वर भारतीय रिझर्व्ह बँकेकडून (RBI Action) तब्बल 91 लाख रुपयांचा दंड ठोठावण्यात आला आहे. बँकेकडून KYC नियमांचे उल्लंघन, कर्जावरील interest rate संबंधित अटींचे पालन न करणे, तसेच risk management आणि आचारसंहितेतील काही निर्देश पाळण्यात त्रुटी राहिल्यामुळे RBI ने ही कठोर कारवाई केली आहे.
तपासणीनंतर दंडाचा निर्णय
RBI ने 31 मार्च 2024 पर्यंतच्या बँकेच्या आर्थिक स्थितीचे मूल्यमापन करण्यासाठी तपासणी केली होती. यानंतर HDFC बँकेला नोटीस पाठवण्यात आली. बँकेच्या उत्तरांचा आणि अतिरिक्त माहितीस अभ्यास केल्यानंतर RBI ला आरोप खरी असल्याचे आढळले आणि आर्थिक दंड लावणे आवश्यक असल्याचे ठरवले.
HDFC Bank Share Price वर परिणाम?
शुक्रवारी HDFC Bank चा शेअर थोड्या घसरणीसह ₹1007 वर बंद झाला. दिवसभरात शेअरची किंमत ₹1012 ते ₹1004 या दरम्यान होती. 23 ऑक्टोबर 2025 रोजी हा शेअर ₹1020.35 या 52-वीक उच्चांकी पातळीवर होता. यंदाच्या जानेवारीत शेअर ₹812.13 पर्यंत खाली गेला होता.
RBI कडून 5,673 जुने परिपत्र रद्द
एक महत्त्वाची घडामोड म्हणजे RBI ने गेल्या काही महिन्यांत एक मोठा नियमस्वच्छता उपक्रम राबवला आहे. यामध्ये एकूण 5,673 जुन्या आणि अप्रासंगिक परिपत्रांना रद्द करण्यात आले आहे. याशिवाय 3,800 हून अधिक निर्देशांचे वर्गीकरण करून 244 मास्टर डायरेक्शन तयार करण्यात आले आहेत. यामुळे बँका आणि वित्तीय संस्थांना आता केवळ त्यांच्या कामाशी संबंधित Master Directions पाहून नियमांचे पालन करणे अधिक सोपे होणार आहे.
