रेल्वे प्रवासात प्रवाशांना वेळेवर, स्वच्छ आणि दर्जेदार जेवण मिळावे यासाठी IRCTC ने एक नवी डिजिटल सेवा सुरू केली आहे. आता मेल आणि एक्सप्रेस ट्रेन्समधील प्रवाशांनाही त्यांच्या सीटवरच गरमागरम जेवण मिळणार आहे. याआधी ही सुविधा प्रीमियम ट्रेन्सपुरती मर्यादित होती, मात्र आता ती सर्वसामान्य प्रवाशांसाठीही खुली करण्यात आली आहे.
ही सेवा मुख्यतः त्या प्रवाशांसाठी उपयुक्त ठरणार आहे, जे ट्रेनमधून प्रवास करताना अयोग्य दर, खालच्या दर्जाचे जेवण किंवा अनधिकृत विक्रेत्यांमुळे त्रस्त असतात.
ई-पॅन्ट्री म्हणजे काय?
IRCTC कडून सुरू करण्यात आलेली ही ई-पॅन्ट्री सेवा म्हणजे डिजिटल जेवण बुकिंग प्लॅटफॉर्म आहे. मेल आणि एक्सप्रेस ट्रेन्समधील प्रवाशांना त्यांच्या जागेवरच अन्न पोहोचवले जाते. Confirmed, RAC किंवा Partially Confirmed तिकिट असलेल्या कोणत्याही प्रवाशाला ही सेवा वापरता येते. मात्र, ही सुविधा केवळ पॅन्ट्री कार असलेल्या ट्रेन्समध्येच उपलब्ध असणार आहे.
सेवा कशी वापरायची?
| टप्पा | काय करावे |
|---|---|
| 1 | तिकिट बुक करताना किंवा नंतर ‘बुक्ड तिकिट हिस्ट्री’मध्ये जाऊन ई-पॅन्ट्री पर्याय निवडा |
| 2 | यानंतर Meal Verification Code (MVC) SMS किंवा ईमेलद्वारे मिळेल |
| 3 | प्रवासाच्या दिवशी MVC कोड दाखवून तुमच्या सीटवरच जेवण मिळेल |
ई-पॅन्ट्री सेवा यामध्ये खास काय आहे? 🍱
ऑनलाइन जेवण बुकिंगची सुविधा (वेबसाइट किंवा अ‍ॅपवरून)
Standard Meal आणि Rail Neer यांची प्री-बुकिंग उपलब्ध
फक्त डिजिटल पेमेंट्स – रोख रक्कम लागणार नाही
ठराविक दरात जेवण – कोणतीही ओव्हरचार्जिंग नाही
IRCTC मंजूर विक्रेत्यांकडूनच जेवण दिले जाईल
MVC कोडच्या आधारे अचूक प्रवाशाला अन्न पोहोचवले जाईल
ऑर्डरवर डिजिटल देखरेख – कर नियमांचे पालन
जेवण न मिळाल्यास रिफंडची सोय आणि त्याची माहिती SMS/Email/WhatsApp वर
सेवा कधीपासून सुरू झाली?
या नव्या सुविधेची चाचणी भारतातील सर्वात लांब पल्ल्याची ट्रेन विवेक एक्सप्रेस (22503/04) मध्ये घेण्यात आली. पुढील 60 दिवसांत आणखी 25 ट्रेन (100 रॅक्स) मध्ये ही सेवा लागू केली जाणार आहे. या योजनेचा यशस्वी अनुभव घेतल्यानंतर ती संपूर्ण देशभरातील मेल आणि एक्सप्रेस ट्रेन्समध्ये टप्प्याटप्प्याने लागू केली जाणार आहे.
