HDFC Bank Downtime Alert: HDFC बँक खातेदारांसाठी एक महत्त्वाची अपडेट आली आहे. या प्रायव्हेट सेक्टर बँकेने डाउनटाइम अलर्ट जारी केला आहे. तीन दिवसांपर्यंत काही बँकिंग सेवा तात्पुरत्या बंद राहणार आहेत. त्यामुळे ग्राहकांनी आपली महत्त्वाची कामे वेळेत पूर्ण करण्याचा सल्ला देण्यात आला आहे.
बँकेने त्यांच्या सर्व ग्राहकांना नोंदणीकृत ईमेलवर या डाउनटाइमविषयी नोटिफिकेशन पाठवले आहे. ग्राहकांना या काळात पर्यायी सुविधा वापरण्याचा सल्ला देण्यात आला आहे. बँकेने ग्राहकांच्या हिताचा विचार करून मेंटेनन्स वेळेचे नियोजन केले आहे.
दोन दिवस UPI ट्रांझेक्शन करता येणार नाही
बँकेच्या अधिकृत वेबसाइटनुसार, 18 आणि 25 जानेवारी रोजी ग्राहक UPI सेवा वापरू शकणार नाहीत. या दोन दिवसांत 3-3 तास UPI सेवेचे मेंटेनन्स कार्य होईल. सेवा रात्री 12 वाजल्यापासून पहाटे 3 वाजेपर्यंत उपलब्ध राहणार नाही.
या काळात ग्राहकांना Saving/Current Account, RuPay Credit Card, HDFC Mobile Banking App च्या माध्यमातून UPI ट्रांझेक्शन करता येणार नाही. तसेच HDFC बँकेच्या माध्यमातून Merchant UPI व्यवहारही शक्य होणार नाहीत.
24 जानेवारीला या सेवा बंद राहणार
24 जानेवारी रात्री 10 वाजल्यापासून 25 जानेवारी दुपारी 2 वाजेपर्यंत, एकूण 16 तास, काही सेवा बंद राहतील. या काळात SMS Banking, ChatBanking आणि PhoneBanking IVR Service यांचा लाभ ग्राहकांना घेता येणार नाही.
