EPFO News: जर तुम्ही नोकरी करत असाल, तर प्रत्येक महिन्याच्या पगारातून काही भाग Provident Fund (PF) खात्यात जमा होतो. हा निधी केवळ बचतीसाठी नाही, तर भविष्याची सुरक्षितता आणि निवृत्तीनंतरची pension मिळण्यासाठीही उपयोगी ठरतो. मात्र, यासाठी काही नियमांचं पालन करणं अत्यंत गरजेचं आहे. जर तुम्ही चुकून PF मधील संपूर्ण रक्कम काढून घेतली, तर निवृत्तीनंतर पॅशन मिळण्याचं स्वप्न अधुरं राहू शकतं.
PF मध्ये किती रक्कम जमा होते?
प्रत्येक महिन्याला तुमच्या basic salary चा 12% भाग PF खात्यात जातो. एवढंच नव्हे, तर तुमची कंपनी देखील तेवढीच रक्कम स्वतःच्या खर्चातून भरते. मात्र, ही पूर्ण रक्कम एकाच ठिकाणी जमा होत नाही. कंपनीच्या 12% योगदानामधून 8.33% रक्कम EPS (Employees’ Pension Scheme) मध्ये आणि उर्वरित 3.67% EPF (Employees’ Provident Fund) मध्ये जमा होते. यातील EPS हाच तो “जादुई फंड” आहे जो तुम्हाला निवृत्तीनंतर pension मिळवून देतो.
EPS जर काढला, तर पॅशन मिळणार नाही
समजा, तुम्ही 10 वर्षं नोकरी केली आणि PF मध्ये नियमित रक्कम जमा केली. तुम्हाला वाटतं की आता 50 वर्षांचे झाल्यावर पॅशन मिळेल. पण जर तुम्ही नोकरी सोडताना किंवा दरम्यान PF मधील संपूर्ण रक्कम काढली आणि त्यामध्ये EPS चा समावेश असेल, तर तुम्ही पॅशनसाठी पात्र राहणार नाही. EPS काढण्याचा अर्थ म्हणजे स्वतःहून पॅशनची संधी गमावणे. अनेकजण नोकरी बदलताना किंवा आर्थिक अडचणीमुळे सगळं PF काढून टाकतात, आणि तिथेच चूक घडते. त्यामुळे PF काढण्याचा निर्णय घेताना काळजीपूर्वक विचार करा.
पॅशन सुरक्षित ठेवायची असेल तर काय करावं?
पॅशन वाचवायची असेल तर सर्वात सोप्पा उपाय आहे—EPS फंडला स्पर्श करू नका! तुम्हाला गरज असल्यास, केवळ EPF मधील रक्कम काढा. EPS फंड जसाच्या तसा सोडून द्या. असं केल्यास, तुम्ही 50 वर्षांनंतर देखील पॅशनसाठी पात्र राहू शकता.
EPFO च्या नियमांनुसार, जर एखाद्या कर्मचाऱ्याने सलग 10 वर्षं किंवा त्यापेक्षा अधिक काळ PF मध्ये योगदान दिलं आणि EPS फंडला हात लावला नसेल, तर तो 50 वर्षांनंतर pension claim करू शकतो. ही पॅशन तुमचं निवृत्त जीवन आर्थिक दृष्ट्या सुसह्य बनवते.
कोणत्याही बँकेतून मिळणार पॅशन!
EPFO ने 1 जानेवारी 2025 पासून एक नवी सुविधा सुरू केली आहे, ज्यामुळे पॅशन घेणं आणखी सोपं झालं आहे. आता तुम्ही कोणत्याही बँकेतून पॅशन काढू शकता. पूर्वी ही सुविधा फक्त काही निवडक बँकांपुरती मर्यादित होती. पण आता डिजिटल व्हेरिफिकेशनमुळे पॅशन कुठूनही मिळवता येईल. विशेषतः ज्यांनी नोकरी सोडल्यानंतर गावी किंवा दुसऱ्या शहरात स्थलांतर केलं आहे, त्यांच्यासाठी ही सुविधा अत्यंत उपयोगी आहे.
म्हणूनच, PF काढताना EPS फंडाचं महत्व लक्षात ठेवा. निवृत्तीनंतर आर्थिक स्वावलंबन हवं असेल तर ही चूक टाळा आणि EPS फंड सुरक्षित ठेवा.
Disclaimer:
वरील लेखात दिलेली माहिती सर्वसामान्य मार्गदर्शनासाठी आहे. आर्थिक निर्णय घेण्याआधी तुम्ही अधिकृत EPFO संकेतस्थळ किंवा आर्थिक सल्लागाराचा सल्ला अवश्य घ्या.
