Top 10 SUVs June 2025: भारतात SUV सेगमेंटमध्ये मागणी वाढत असतानाही जून 2025 मध्ये विक्रीच्या आकडेवारीत काही धक्कादायक बदल दिसले. यामध्ये काही लोकप्रिय मॉडेल्स मागे सरले तर काहींनी दमदार पुनरागमन केलं. यामध्ये सर्वाधिक यशस्वी ठरली हुंडई क्रेटा. 15,786 युनिट्ससह तिने पुन्हा एकदा पहिलं स्थान पटकावलं. मागील वर्षीच्या तुलनेत 3% घट असूनही क्रेटा मिड-साइज SUV सेगमेंटमध्ये अजूनही मजबूत आहे.
मारुती ब्रेझा नं. 2 वर
मारुती ब्रेझाने जूनमध्ये 14,507 युनिट्सची विक्री करत 10% वाढ नोंदवली. या कामगिरीमुळे ती थेट दुसऱ्या स्थानावर पोहोचली आहे.
स्कॉर्पियोची पुनरागमनात चमक
महिंद्रा स्कॉर्पियोने 12,740 युनिट्सची विक्री करत तिसरं स्थान मिळवलं. क्लासिक आणि N व्हर्जनची संयुक्त ताकद यामागे आहे. वर्षभरात 4% वाढ झाली आहे.
टाटा नेक्सनची घसरण
एकेकाळी अव्वल स्थानी असलेली नेक्सन या वेळेस 11,602 युनिट्ससह चौथ्या स्थानावर आली असून 4% विक्रीत घट झाली आहे.
टाटा पंचला मोठा फटका
टाटा पंचने सर्वाधिक धक्का दिला. मागील वर्षी 18,238 युनिट्स विकणारी ही SUV यंदा केवळ 10,446 युनिट्स विकू शकली. थेट 43% घट.
इतर SUV मॉडेल्सची स्थिती
मारुती फ्रोंक्सने 9,815 युनिट्ससह स्थिर कामगिरी केली. थारने 77% वाढसह 9,542 युनिट्स विकले. टोयोटा हायराइडरने 75% वाढसह 7,462 युनिट्सची विक्री केली. XUV 3XO ची विक्री 17% घटून 7,089 युनिट्सवर आली. हुंडई वेन्यूने 31% घसरणीसह 6,858 युनिट्स विकल्या.
टॉप 10 SUV विक्री आकडेवारी
| रँक | SUV मॉडेल | जून 2025 | जून 2024 | वाढ/घट (%) |
|---|---|---|---|---|
| 1 | हुंडई क्रेटा | 15,786 | 16,293 | -3% |
| 2 | मारुती ब्रेझा | 14,507 | 13,172 | +10% |
| 3 | महिंद्रा स्कॉर्पियो | 12,740 | 12,307 | +4% |
| 4 | टाटा नेक्सन | 11,602 | 12,066 | -4% |
| 5 | टाटा पंच | 10,446 | 18,238 | -43% |
| 6 | मारुती फ्रोंक्स | 9,815 | 9,688 | +1% |
| 7 | महिंद्रा थार | 9,542 | 5,376 | +77% |
| 8 | टोयोटा हायराइडर | 7,462 | 4,275 | +75% |
| 9 | महिंद्रा XUV 3XO | 7,089 | 8,500 | -17% |
| 10 | हुंडई वेन्यू | 6,858 | 9,890 | -31% |
डिस्क्लेमर: या लेखातील सर्व आकडेवारी वाहन उत्पादक कंपन्यांनी जाहीर केलेल्या विक्री अहवालांवर आधारित आहे. यात वेळोवेळी बदल संभवतो, त्यामुळे खरेदीपूर्वी अधिकृत स्रोताची खात्री करावी.
