PM Kisan Samman Nidhi: पंतप्रधान नरेंद्र मोदी यांनी तमिळनाडूतील कोयंबतूर येथून पीएम किसान सन्मान निधी योजनेचा 21वा हप्ता बुधवारी जाहीर केला. या वेळी सरकारने देशभरातील शेतकऱ्यांच्या खात्यात एकूण 18,000 कोटी रुपये जमा केले असून याचा लाभ 9 कोटींपेक्षा अधिक शेतकऱ्यांना झाला आहे. या योजनेअंतर्गत पात्र शेतकऱ्यांना वर्षाला 6,000 रुपये मदत दिली जाते. ही रक्कम तीन हप्त्यांमध्ये दिली जाते.
हप्ते कधी मिळतात?
पीएम किसान योजनेचे हप्ते वर्षभरात तीन टप्प्यांमध्ये वितरित केले जातात:
- एप्रिल – जुलै
- ऑगस्ट – नोव्हेंबर
- डिसेंबर – मार्च
प्रत्येक हप्ता 2,000 रुपयांचा असतो आणि डीबीटीद्वारे थेट शेतकऱ्यांच्या बँक खात्यात जमा होतो.
काही शेतकऱ्यांना हप्ता का मिळाला नाही?
अनेक शेतकऱ्यांच्या खात्यात 21वा हप्ता जमा झाला असला तरी काही पात्र शेतकरी अजूनही प्रतीक्षा करत आहेत. त्यामागची प्रमुख कारणे अशी:
- ई-केवायसी पूर्ण न केलेले
- भूमी नोंदींची पडताळणी न झालेली
- चुकीची बँक माहिती किंवा वैयक्तिक तपशील
- आधार क्रमांक बँक खात्याशी लिंक न केलेले
पीएम किसानचा हप्ता स्टेटस कसा तपासाल?
1) अधिकृत वेबसाइटवरून
- pmkisan.gov.in ही साइट उघडा
- Know Your Status वर क्लिक करा
- आधार क्रमांक / पीएम किसान ID / मोबाइल नंबर टाका
- कॅप्चा भरून Get Status वर क्लिक करा यानंतर स्क्रीनवर हप्त्याची स्थिती आणि रक्कम कधी जमा झाली ते दिसेल.
2) पीएम किसान अॅपद्वारे
- Google Play Store वरून PM-KISAN App डाउनलोड करा
- Beneficiary Status पर्याय निवडा
- आधार किंवा मोबाइल नंबर टाकून स्टेटस तपासा अॅपमध्ये सर्व जुन्या आणि नवीन हप्त्यांची माहिती मिळते.
3) बँक अलर्ट किंवा पासबुक अपडेट
- हप्ता थेट बँक खात्यात जमा होतो
- बँकेकडून SMS येतो
- SMS न आल्यास पासबुक अपडेट करून घ्या किंवा शाखेत चौकशी करा
- AEPS किंवा मोबाईल बँकिंगद्वारे बॅलन्स तपासता येतो
हप्ता न मिळाल्यास काय करावे?
जर सर्व तपशील योग्य असूनही हप्ता मिळाला नसेल, तर:
- पीएम किसान हेल्पलाइन 1800-180-1551 (टोल-फ्री) वर संपर्क करा
- जवळच्या CSC केंद्रात जाऊन ई-केवायसी किंवा अर्ज अपडेट करा
- गरज असल्यास CPGRAMS पोर्टलवर तक्रार नोंदवा
