PM Kisan 21th Installment: प्रधानमंत्री किसान सन्मान निधी योजनेचा 21वा हप्ता आज अधिकृतरीत्या वितरित करण्यात आला. ‘पीएम-किसान उत्सव दिवस’ या कार्यक्रमातून पंतप्रधान नरेंद्र मोदी यांनी कोयंबटूर येथून देशभरातील पात्र शेतकऱ्यांच्या बँक खात्यात थेट लाभ हस्तांतरण (DBT) प्रणालीद्वारे रक्कम जमा केली. यापूर्वी 20 हप्त्यांचे वितरण पूर्ण झाले आहे.
किती रक्कम वितरित?
अधिकृत माहितीनुसार, सरकारने या टप्प्यात जवळपास 18,000 कोटी रुपये पात्र लाभार्थ्यांच्या खात्यात जमा केले आहेत. पीएम किसान सन्मान निधी योजनेनुसार, पात्र शेतकऱ्यांना वर्षाकाठी 6,000 रुपये आर्थिक मदत दिली जाते. ही रक्कम तीन समान हप्त्यांमध्ये जमा केली जाते. यासोबत राजस्थानसह काही राज्यांत राज्यस्तरीय अतिरिक्त मदतही दिली जाते. उदाहरणार्थ, राजस्थानमध्ये पात्र शेतकऱ्यांना राज्य सरकारकडून 3,000 रुपयांची अतिरिक्त मदत मिळते.
आपला हप्ता जमा झाला का?
शेतकरी आपल्या हप्त्याची स्थिती घरबसल्या तपासू शकतात. यासाठी पीएम किसान पोर्टलवर उपलब्ध सेवा वापरता येते.
- https://pmkisan.gov.in या अधिकृत संकेतस्थळावर जा.
- ‘किसान कॉर्नर’मध्ये ‘लाभार्थी सूची’ निवडा.
- त्यानंतर राज्य, जिल्हा, उपजिल्हा, ब्लॉक आणि गाव निवडा.
- ‘रिपोर्ट प्राप्त करा’वर क्लिक करून आपले नाव सूचीमध्ये आहे का ते तपासा.
तक्रारी कुठे कराल?
जर हप्ता जमा झाला नसेल किंवा इतर अडचणी असतील, तर शेतकरी हेल्पलाइनवर संपर्क करू शकतात.
- हेल्पलाइन क्रमांक: 155261
- इतर क्रमांक: 011-24300606
