Gold Rate: साल 2025 मध्ये सोने (Gold) भावांनी अक्षरशः विक्रमी झेप घेतली आहे. फेस्टिव्ह सीझन सुरु होताच दररोज सोन्याच्या किमतींनी नवे रेकॉर्ड मोडले आहेत. आठवड्याच्या पहिल्या दिवशी, सोमवारच्या व्यापारात Gold Rate 1,23,977 रुपये प्रति 10 ग्रॅमच्या नव्या उच्चांकावर पोहोचले. MCX (Multi Commodity Exchange) वरही सोने विक्रमी दरावर पोहोचल्याने गुंतवणूकदारांच्या नजरा त्यावर खिळल्या आहेत. एक्सपर्ट्सच्या मते, ही वाढ आता थांबणारी नाही आणि पुढील दिवाळीपर्यंत किंमत 1.50 लाख रुपयांपर्यंत जाण्याची शक्यता आहे.
सोमवारच्या व्यापारात सोन्यात मोठी उसळी
एमसीएक्स (MCX) वरील सोन्याच्या दरात सलग वाढ दिसत आहे. सोमवारच्या सकाळी व्यापार सुरु होताच 1,23,000 रुपयांवर खुलून दर झपाट्याने वाढले आणि 5 डिसेंबर एक्सपायरीसाठी 24 कॅरेट सोन्याने 2,400 रुपयांनी उडी घेत 1,23,977 रुपये प्रति 10 ग्रॅम गाठले. ऑक्टोबर महिन्याच्या सुरुवातीपासून आतापर्यंत Gold Price मध्ये तब्बल 6,389 रुपयांची वाढ झाली आहे. 1 ऑक्टोबर 2025 रोजी 10 ग्रॅम सोन्याचा वायदा दर 1,17,588 रुपये होता.
देशांतर्गत बाजारातही वाढता दर
Indian Bullion Jewellers Association (IBJA) च्या आकडेवारीनुसार, सोमवारच्या दिवशीही सोन्याचा दर मोठ्या प्रमाणात वाढला. शुक्रवारी 24 कॅरेट सोन्याचा दर 1,21,525 रुपये होता, जो आता 1,23,770 रुपयांवर पोहोचला. म्हणजेच दरात 2,245 रुपयांची वाढ झाली आहे. त्याचप्रमाणे 22 कॅरेट सोनं 1,20,800 रुपये, 20 कॅरेट 1,10,150 रुपये आणि 18 कॅरेट 1,00,250 रुपयांवर विकले जात आहे.
2025 मध्ये सोन्यात तब्बल 50% वाढ
2025 हे वर्ष सोन्यात गुंतवणूक करणाऱ्यांसाठी सुवर्णसंधी ठरले आहे. या वर्षात सोन्याच्या किंमतींमध्ये जवळपास 50% वाढ झाली आहे. तर 2022 च्या तुलनेत तब्बल 140% वाढ झाली आहे. सोन्याच्या भाववाढीमागे तीन प्रमुख कारणे सांगितली जात आहेत.
1. केंद्रीय बँकांची खरेदी वाढली
जगभरातील अनेक देशांनी अमेरिकी डॉलरवरील अवलंबित्व कमी करण्यासाठी आपल्या राखीव निधीत सोने (Gold Reserve) वाढवले आहे. त्यामुळे अधिकृत पातळीवरील खरेदी विक्रमी पातळीवर गेली असून, त्याचा थेट परिणाम Gold Price वर झाला आहे.
2. सुरक्षित गुंतवणुकीकडे वळण
शेअर बाजारातील अस्थिरता आणि अनिश्चित Bond Yield मुळे गुंतवणूकदारांनी सुरक्षित पर्याय म्हणून सोन्याकडे वळण्यास सुरुवात केली आहे. त्यामुळे Gold ETF (Exchange Traded Funds) मध्ये गुंतवणूक वाढली आहे, ज्यामुळे मागणीही वाढली आहे.
3. जागतिक आर्थिक घडामोडींचा परिणाम
अमेरिकेत US Fed कडून व्याजदरात कपात आणि देशातील आर्थिक अनिश्चिततेमुळेही सोन्याचा दर वाढला आहे. अमेरिका Shutdown च्या भीतीने गुंतवणूकदारांनी सुरक्षित मालमत्ता म्हणून सोन्याकडे वळणे पसंत केले आहे.
घनतेरसपर्यंत सोन्याचा दर किती वाढेल?
एक्सपर्ट्सच्या मते, दिवाळीपूर्वी सोन्याचा दर स्थिर राहू शकतो, पण घनतेरसपर्यंत किंचित वाढ अपेक्षित आहे. विश्लेषक अनुज गुप्ता यांच्या मते, फिजिकल मार्केटमध्ये सोने 1,25,000 ते 1,30,000 रुपये प्रति 10 ग्रॅमपर्यंत जाऊ शकते. काही रिपोर्टनुसार पुढील आर्थिक वर्षात ते 1.50 लाख रुपयांपर्यंत पोहोचण्याचा अंदाज आहे.
तुमच्या पोर्टफोलिओमध्ये किती Gold योग्य?
सोन्याच्या दरवाढीच्या पार्श्वभूमीवर गुंतवणूकदारांसाठी महत्त्वाचा प्रश्न म्हणजे — आपल्या पोर्टफोलिओमध्ये किती टक्के सोने असावे? एक्सपर्ट्सच्या मते, एकूण गुंतवणुकीपैकी 10% ते 20% इतके सोने योग्य मानले जाते. जर ते 20% पेक्षा जास्त असेल, तर वाढत्या किंमतींमुळे धोका वाढू शकतो. तर 5% पेक्षा कमी असल्यास सोन्याच्या दरवाढीचा फायदा हातातून जाऊ शकतो.
सोन्याच्या वाढत्या दरांमुळे अनेक गुंतवणूकदारांनी या धातूकडे पुन्हा वळण्यास सुरुवात केली आहे. मात्र, अल्पकालीन नफा मिळवण्यासाठी गुंतवणूक करण्यापेक्षा दीर्घकालीन उद्दिष्ट ठेवणे अधिक सुरक्षित आहे. पुढील काही महिन्यांत किंमतीत चढउतार संभवतात, त्यामुळे संतुलित पोर्टफोलिओ ठेवणे अधिक फायदेशीर ठरू शकते.
डिस्क्लेमर
या लेखात दिलेली माहिती आर्थिक सल्ला म्हणून घेऊ नये. गुंतवणुकीपूर्वी स्वतःचा अभ्यास करा किंवा आर्थिक तज्ञांचा सल्ला घ्या.
