Honor कंपनीने काही दिवसांपूर्वीच जागतिक बाजारात आपला नवीन 5G स्मार्टफोन Honor 400 Lite 5G सादर केला होता, जो 108MP कॅमेरा आणि Dimensity 7025 Ultra प्रोसेसरसह सुसज्ज आहे. आता समोर आलेल्या माहितीनुसार कंपनी याच सिरीजमधील प्रो व्हेरिएंट देखील लवकरच बाजारात सादर करणार आहे.
चायनीज टिपस्टर डिजिटल चॅट स्टेशनने दिलेल्या माहितीनुसार Honor 400 Pro 5G फोनचे काही महत्त्वाचे तपशील समोर आले आहेत. यामध्ये या आगामी मोबाईलमध्ये काय वैशिष्ट्ये असतील, याची झलक मिळते.
Honor 400 Pro चे संभाव्य स्पेसिफिकेशन्स (Leaks)
Honor 400 Pro 5G मोबाईलबाबतची माहिती चायनीज सोशल मीडिया प्लॅटफॉर्म Weibo वर डिजिटल चॅट स्टेशनकडून शेअर करण्यात आली आहे. या लीकनुसार फोनमध्ये प्रोसेसर, कॅमेरा आणि डिस्प्ले यांची माहिती मिळाली आहे. या मोबाइलमध्ये Qualcomm Snapdragon 8 Gen 3 (Snapdragon 8 Gen 3) ऑक्टाकोर प्रोसेसर दिला जाऊ शकतो.
हा चिपसेट 4nm फॅब्रिकेशनवर आधारित असणार असून त्यामध्ये Cortex-X4 कोर दिले जातील. हा CPU 2.27GHz ते 3.3GHz पर्यंत क्लॉक स्पीडवर काम करण्यास सक्षम आहे. तसेच असा अंदाज आहे की हा Honor फोन 12GB RAM सह सादर केला जाऊ शकतो.
Honor 400 Pro ची सर्वात मोठी खासियत म्हणजे त्याचा कॅमेरा असणार आहे. लीकनुसार, या फोनमध्ये 200MP चा मुख्य कॅमेरा (200MP Main Camera) दिला जाईल आणि त्याचबरोबर 50MP टेलिफोटो लेन्स (50MP Telephoto Lens) देण्यात येईल. यामध्ये ड्युअल रियर कॅमेरा असेल की ट्रिपल मॉड्यूल, हे मात्र स्पष्ट झालेले नाही.
Honor 400 Pro 5G फोनमध्ये 6.7-इंचाची मोठी डिस्प्ले (6.7-inch Display) दिली जाऊ शकते. लीकनुसार, ही स्क्रीन LTPS OLED Panel असणार असून 1.5K पिक्सेल रिझोल्यूशन (1.5K Resolution) ला सपोर्ट करेल. याचे बांधकाम मेटल फ्रेमवर (Metal Frame) केलेले असू शकते. तसेच लीकमध्ये असा दावाही करण्यात आला आहे की या Honor फोनमध्ये Silicon Battery दिली जाईल, जी 7,000mAh पेक्षा जास्त क्षमतेची असू शकते.
Honor 400 Lite 5G किंमत आणि वैशिष्ट्ये
किंमत (Price): Honor 400 Lite मध्ये 8GB RAM आणि 256GB स्टोरेज दिले आहे, ज्याची जागतिक किंमत सुमारे 299 Euros म्हणजेच भारतीय रुपयांमध्ये अंदाजे ₹29,100 आहे. सध्या हा मोबाईल इंग्लंड, ऑस्ट्रेलिया आणि इटलीमध्ये विक्रीसाठी उपलब्ध आहे.
डिस्प्ले (Display): Honor 400 Lite 5G मध्ये 2412 x 1080 पिक्सेल रिझोल्यूशनसह 6.7-इंचाची FullHD+ AMOLED स्क्रीन देण्यात आली आहे. ही पंच-होल डिझाइन असलेली स्क्रीन 120Hz Refresh Rate आणि 3500nits Brightness सह येते. तसेच यामध्ये Ultrasonic In-display Fingerprint टेक्नोलॉजी देखील आहे.
परफॉर्मन्स (Performance): Honor 400 Lite Android 15 वर आधारित MagicOS 9 वर चालतो. प्रोसेसिंगसाठी यामध्ये 6nm फॅब्रिकेशनवर आधारित MediaTek Dimensity 7025 Ultra ऑक्टाकोर प्रोसेसर देण्यात आलेला आहे, जो 2.5GHz पर्यंत क्लॉक स्पीडवर चालतो. ग्राफिक्ससाठी IMG BXM-8-256 GPU मिळतो.
कॅमेरा (Camera): फोटोग्राफीसाठी Honor 400 Lite 5G मध्ये ड्युअल रियर कॅमेरा आहे. यामध्ये iPhone 16 प्रमाणे AI Camera Button दिले आहे. फोनच्या मागील बाजूस f/1.75 अपर्चरसह 108MP मुख्य कॅमेरा आणि 5MP वाइड अँगल + डेप्थ सेन्सर आहे. सेल्फी आणि व्हिडिओ कॉलसाठी 16MP फ्रंट कॅमेरा दिला आहे.
बॅटरी (Battery): या स्मार्टफोनमध्ये 5,230mAh ची दमदार बॅटरी (5230mAh Battery) दिली आहे. तसेच, 35W Fast Charging टेक्नोलॉजीद्वारे ही बॅटरी वेगाने चार्ज होते.
इतर फिचर्स (Other Features): Honor 400 Lite 5G IP64 Certified असून, तो पाण्यापासून व धुळीपासून सुरक्षित राहतो. कनेक्टिव्हिटीसाठी फोनमध्ये Bluetooth 5.3 आणि NFC देण्यात आले आहे. या फोनचे वजन 171 ग्राम असून त्याची जाडी 7.29mm आहे. कंपनीचा असा दावा आहे की 1.8 मीटर उंचीवरून खाली पडल्यासही हा फोन सुरक्षित राहील.
