केंद्र सरकारने सामान्यतः जानेवारी महिन्यात महागाई भत्ता (DA) वाढीची घोषणा करत असते, जी सहसा होळीपूर्वी जाहीर केली जाते. मात्र, यंदा सरकारने अद्याप कोणतीही अधिकृत घोषणा केलेली नाही. यामुळे केंद्र सरकारी कर्मचारी आणि निवृत्तीवेतनधारकांमध्ये नाराजीचे वातावरण आहे. अनेकांना प्रश्न पडला आहे की, यंदा महागाई भत्त्याच्या वाढीत ही विलंब का होत आहे. आता यासंदर्भात महत्त्वाचे अपडेट समोर आले आहे.
1. लाखो कर्मचाऱ्यांना होणार फायदा
केंद्र सरकारच्या महागाई भत्ता आणि महागाई सवलतीच्या (DR) वाढीचा फायदा जवळपास 50 लाख सरकारी कर्मचारी आणि 65 लाख निवृत्तीवेतनधारकांना होणार आहे. DA वाढीच्या निर्णयाला साधारण एक आठवड्याचा विलंब झाला आहे. सरकारने होळीपूर्वीच महागाई भत्त्याच्या वाढीची घोषणा करावी अशी अपेक्षा होती. मात्र, याबाबत 12 मार्च आणि 19 मार्च रोजी कोणतीही घोषणा करण्यात आली नाही. आता पुढील आठवड्यात होणाऱ्या मंत्रिमंडळाच्या बैठकीत यावर निर्णय होण्याची शक्यता आहे.
2. महागाई भत्ता का दिला जातो?
महागाई भत्ता हा सरकारी कर्मचाऱ्यांच्या मूळ पगारावर आधारित असतो. वाढत्या महागाईमुळे कर्मचाऱ्यांवर येणारा आर्थिक भार कमी करण्यासाठी सरकार दरवर्षी दोन वेळा DA मध्ये वाढ करते. हे वाढलेले महागाई भत्त्याचे प्रमाण मूळ पगाराच्या टक्केवारीनुसार ठरवले जाते. जानेवारी आणि जुलै महिन्यात महागाई भत्त्याचा आढावा घेतला जातो आणि त्यानुसार सुधारणा केली जाते.
3. DA वाढीचा निर्णय केव्हा होणार?
सध्या महागाई भत्ता वाढीचा निर्णय पुढे ढकलण्यात आला आहे. येत्या आठवड्यात होणाऱ्या मंत्रिमंडळ बैठकीत यावर अंतिम निर्णय होऊ शकतो. सरकारने एकदा मंजुरी दिल्यानंतर, वाढलेला DA जानेवारी 2025 पासून लागू होईल. यासोबतच कर्मचाऱ्यांना एप्रिल महिन्याच्या पगारात तीन महिन्यांचा एरियरही मिळण्याची शक्यता आहे.
4. महागाई भत्त्यात किती वाढ होण्याची शक्यता?
सध्या सरकारी कर्मचाऱ्यांची किमान मूळ पगाराची रक्कम ₹18,000 आहे. त्यावर सध्या 53% महागाई भत्ता दिला जात आहे. जर यावर्षी 3% वाढ झाली, तर महागाई भत्ता 56% होईल. यामुळे पगारात ₹540 चा वाढ होईल. म्हणजेच, सध्याचा ₹9,540 चा महागाई भत्ता वाढून ₹10,080 होईल. मात्र, याबाबतचा अंतिम निर्णय सरकारकडून घेतला जाणार आहे.
