Smartphones Launch Today: आज भारतात तीन पॉवरफुल स्मार्टफोन्स लाँच होणार आहेत. हे स्मार्टफोन्स Xiaomi आणि iQOO ब्रँडचे असतील. तुम्ही जर एक दमदार आणि उत्कृष्ट स्मार्टफोन खरेदी करण्याचा विचार करत असाल, तर हे फोन्स तुमच्यासाठी उत्तम पर्याय ठरू शकतात.
Xiaomi चाहत्यांसाठी आजचा दिवस खास असणार आहे, कारण कंपनी Xiaomi 15 Series भारतात लाँच करत आहे. या सिरीजमध्ये जबरदस्त फोटोग्राफी फीचर्स मिळणार आहेत. त्याचबरोबर iQOO Neo 10R बद्दल कंपनीचा दावा आहे की हा स्मार्टफोन आपल्या सेगमेंटमधील सर्वात फास्ट असणार आहे. चला तर मग लाँचपूर्वीच या दोन्ही स्मार्टफोन्सबद्दल सविस्तर जाणून घेऊया.
iQOO Neo 10R: भारतातील किंमत आणि उपलब्धता (लीक)
iQOO Neo 10R हा स्मार्टफोन Amazon India आणि iQOO.com वर उपलब्ध होणार आहे. iQOO ने फोनच्या परफॉर्मन्सबाबत संकेत दिले आहेत की हा 30,000 रुपयांपेक्षा कमी किंमतीच्या सेगमेंटमधील सर्वात दमदार फोन असेल. त्यामुळे फोनची किंमत ₹30,000 पेक्षा कमी असण्याची शक्यता आहे. हा स्मार्टफोन Raging Blue आणि Moonlight Titanium या दोन रंगांमध्ये मिळेल.
Xiaomi 15 Series: भारतातील किंमत आणि उपलब्धता (लीक)
ग्लोबल मार्केटमध्ये Xiaomi 15 आणि Xiaomi 15 Ultra अनुक्रमे EUR 999 (सुमारे ₹95,000) आणि EUR 1,499 (सुमारे ₹1,42,000) मध्ये लाँच झाले आहेत. त्यामुळे भारतातही या फोन्सची किंमत याच दरम्यान असण्याची शक्यता आहे. हे फोन्स Amazon, mi.com/in, आणि Xiaomi च्या रिटेल पार्टनर्स मार्फत विक्रीसाठी उपलब्ध होतील. Ultra मॉडेलमध्ये येणाऱ्या फोटोग्राफी किट लिजेंड एडिशन (Hands-on) चा वेगळा खरेदी पर्याय असू शकतो. काही रिपोर्ट्सनुसार, भारतात ही किट ₹13,900 ला मिळू शकते.
iQOO Neo 10R: स्पेसिफिकेशन्स (लीक)
iQOO Neo 10R मध्ये 4nm Snapdragon 8s Gen 3 SoC प्रोसेसर आहे, ज्याची क्लॉक स्पीड 3.0 GHz आहे. iQOO ने दावा केला आहे की हा स्मार्टफोन सेगमेंटमधील सर्वात वेगवान फोन आहे आणि AnTuTu बेंचमार्कवर 1.7 मिलियनहून अधिक स्कोअर प्राप्त केला आहे.
फोनमध्ये AMOLED डिस्प्ले, 2,000Hz टच सॅम्पलिंग रेट आणि 144Hz रिफ्रेश रेट सपोर्ट मिळतो. लिक्सनुसार, यामध्ये 6.78-इंचाचा स्क्रीन असेल. तसेच, 80W फास्ट वायर्ड चार्जिंग असलेली 6,400mAh बॅटरी देण्यात आली आहे. हा स्मार्टफोन Android 15-आधारित Funtouch OS वर चालेल आणि 3 वर्षांचे Android OS अपडेट्स आणि 4 वर्षांचे सुरक्षा अपडेट्स मिळतील.
Xiaomi 15: फीचर्स (लीक)
Xiaomi 15 स्मार्टफोनमध्ये 6.36-इंच 8T LTPO AMOLED स्क्रीन आहे, जी 120Hz रिफ्रेश रेट सपोर्ट करते. यात नवीनतम Snapdragon 8 Elite प्रोसेसर, 16GB LPDDR5X RAM आणि 1TB UFS 4.0 स्टोरेज दिले आहे.
फोनमध्ये Leica-ब्रँडेड ट्रिपल रियर कॅमेरा सेटअप आहे, ज्यामध्ये 50MP OIS प्रायमरी सेंसर, 50MP टेलीफोटो कॅमेरा, आणि 50MP अल्ट्रा-वाइड अँगल शूटर आहे. सेल्फी आणि व्हिडिओ कॉलिंगसाठी 32MP फ्रंट कॅमेरा मिळतो.
बॅटरीबाबत सांगायचे तर, यात 5,240mAh बॅटरी आहे, जी 90W वायर्ड फास्ट चार्जिंग आणि 50W वायरलेस चार्जिंग सपोर्ट करते.
Xiaomi 15 Ultra: फीचर्स (लीक)
Xiaomi 15 Ultra मध्ये 120Hz रिफ्रेश रेट असलेली 6.73-इंच WQHD+ क्वाड-कर्व्ड LTPO AMOLED स्क्रीन मिळते.
हा फोन Leica-ट्यूनड क्वाड रियर कॅमेरा सेटअप सह येतो, ज्यामध्ये 1-इंच टाइप LYT-900 सेन्सर असलेला 50MP प्रायमरी कॅमेरा, 50MP अल्ट्रावाइड सेन्सर, 50MP Sony IMX858 टेलीफोटो कॅमेरा (3x ऑप्टिकल झूम), 200MP ISOCELL HP9 पेरिस्कोप टेलीफोटो कॅमेरा (4.3x ऑप्टिकल झूम) आहे. सेल्फी आणि व्हिडिओ कॉलिंगसाठी 32MP फ्रंट कॅमेरा दिला आहे.
