EPF Interest Rate: कर्मचारी भविष्य निधी संघटना (EPFO) ने फेब्रुवारी 2024 मध्ये EPF वरचा व्याजदर 2022-23 मधील 8.15% वरून थोडासा वाढवून 2023-24 साठी 8.25% केला होता.

EPF Interest Rate: 7.6 कोटी EPFO मेंबर्ससाठी मोठी बातमी!

निवृत्ती निधी संस्था कर्मचारी भविष्य निधी संघटना (EPFO) ने 2024-25 साठी कर्मचारी भविष्य निधी (EPF) ठेवींवरील 8.25% व्याजदर कायम ठेवण्याचा निर्णय घेतला आहे. फेब्रुवारी 2024 मध्ये, EPFO ने 2022-23 मध्ये 8.15% असलेला व्याजदर 2023-24 साठी 8.25% केला होता.

2024-25 साठी EPF व्याजदर 8.25% वर कायम

एका सूत्रानुसार, EPFOच्या सर्वोच्च निर्णय घेणाऱ्या संस्थेने, केंद्रीय न्यासी मंडळाने (CBT), शुक्रवारी झालेल्या बैठकीत 2024-25 साठी EPF वर 8.25% व्याजदर देण्याचा निर्णय घेतला आहे. आर्थिक वर्ष 2020-21 साठी EPF ठेवींवरील 8.5% व्याजदराचा निर्णय CBT ने मार्च 2021 मध्ये घेतला होता.

CBT च्या या निर्णयानंतर 2024-25 साठी EPF ठेवींवरील व्याजदराची अंतिम मान्यता मिळवण्यासाठी हा प्रस्ताव अर्थ मंत्रालयाकडे पाठवला जाईल.

मार्च 2022 मध्ये, EPFO ने आपल्या 7 कोटीहून अधिक ग्राहकांसाठी 2021-22 साठी EPF व्याजदर चार दशकांतील नीचांकी स्तरावर म्हणजे 8.1% पर्यंत खाली आणला होता, जो 2020-21 मध्ये 8.5% होता. 2020-21 साठी EPF वर 8.10% व्याजदर होता. हा 1977-78 नंतरचा सर्वात कमी व्याजदर होता, तेव्हा EPF व्याजदर 8% होता.

7 कोटीहून अधिक खात्यांमध्ये जमा होईल व्याज

सरकारची मंजुरी मिळाल्यानंतर, 2024-25 साठी EPF वरील व्याजदर EPFOच्या 7 कोटीहून अधिक ग्राहकांच्या खात्यांमध्ये जमा केला जाईल. EPFO हे अर्थ मंत्रालयाच्या माध्यमातून सरकारच्या मंजुरीनंतरच व्याजदर जाहीर करते.