जुलैमध्ये Apple च्या Find My सपोर्टसह JioTag Air ट्रॅकिंग डिव्हाइस लाँच केल्यानंतर, कंपनीने आता JioTag Go ची घोषणा केली आहे. हा डिव्हाइस Google Find My Device नेटवर्क सह काम करण्यासाठी डिझाइन केला गेला आहे.
Jio ने लाँच केलेला हा नवीन ट्रॅकर सिम कार्डशिवाय कार्य करतो आणि Bluetooth 5.3v कनेक्टिव्हिटीच्या माध्यमातून स्मार्टफोनशी जोडला जातो. चला, JioTag Go बद्दल सविस्तर माहिती जाणून घेऊया.
JioTag Go ची किंमत आणि सेल डिटेल्स
नवीन JioTag Go ट्रॅकिंग डिव्हाइस Android यूजर्ससाठी फक्त ₹1,499 मध्ये उपलब्ध आहे.
हे डिव्हाइस कंपनीच्या अधिकृत वेबसाइटवर आणि Amazon वरून खरेदी करता येईल. ब्लॅक, व्हाइट, ऑरेंज आणि यलो अशा चार रंगांमध्ये JioTag Go लाँच करण्यात आले आहे.
JioTag कसा काम करतो?
JioTag Go हा Android डिव्हाइससाठी उपलब्ध Google Find My Device अॅपशी कनेक्ट होतो. हे डिव्हाइस युजर्सला त्यांच्या चावी, बॅग, गॅजेट्स किंवा बाइक यासारख्या वस्तूंचे जागतिक स्तरावर ट्रॅकिंग करण्यात मदत करते.
Find My Device अॅपमधील “Play Sound” फीचरचा वापर करून, ब्लूटूथ रेंजमध्ये असलेल्या डिव्हाइसचा शोध घेता येतो. जर ट्रॅकर ब्लूटूथ रेंजच्या बाहेर असेल, तर Google Find My Device नेटवर्कच्या माध्यमातून त्याचे शेवटचे स्थान पाहता येईल.
अॅपमध्ये युजर्सना मॅप आणि “Get Directions” पर्याय दिला जातो, ज्यामुळे ट्रॅकिंगसाठी मार्गदर्शन मिळते. जेव्हा ट्रॅकर पुन्हा ब्लूटूथ रेंजमध्ये येतो, तेव्हा JioTag Go फोनशी कनेक्ट होतो आणि “Play Sound” फीचरद्वारे सहज शोधता येतो.
JioTag Go Android डिव्हाइसवर कसे सेटअप करावे?
आपल्या स्मार्टफोनवर Google Find My Device अॅप Google Play Store वरून डाउनलोड आणि इन्स्टॉल करा.
JioTag Go डिव्हाइस फोनजवळ ठेवा. Fast Pair Notification दिसल्यावर “Connect” वर टॅप करा. उपयोगाच्या अटी काळजीपूर्वक वाचा आणि “Agree and Continue” निवडा. सेटअप पूर्ण करण्यासाठी “Done” बटणावर टॅप करा.
आता JioTag Go तयार आहे. सर्व फीचर्सचा उपयोग करण्यासाठी Google Find My Device अॅप उघडा आणि JioTag Go एक्सप्लोर करा.
