रेडमीचा नवीन स्मार्टफोन लवकरच बाजारात दाखल होणार आहे. आम्ही बोलत आहोत Redmi Turbo 4 बद्दल. शाओमी (Xiaomi) यावर्षी अनेक नवीन स्मार्टफोन्स लॉन्च करण्याच्या तयारीत आहे.
मागील महिन्यात Xiaomi 15 लाँच झाला होता, तर नोव्हेंबरमध्ये कंपनी Redmi K80 आणि K80 Pro बाजारात आणण्याच्या तयारीत आहे. त्यानंतर, डिसेंबरमध्ये Redmi Turbo 4 लॉन्च होणार असल्याची माहिती एका लीकमधून समोर आली आहे. या आगामी स्मार्टफोनमध्ये काय खास मिळणार आहे, हे जाणून घ्या…
1.5K रिझोल्यूशन डिस्प्लेसह डिसेंबरमध्ये येणार
गिज्मोचायना (Gizmochina) च्या रिपोर्टनुसार, टिपस्टर स्मार्ट पिकाचूच्या माहितीचा हवाला देत सांगण्यात आले आहे की, Turbo 4 डिसेंबरमध्ये 1.5K रिझोल्यूशन डिस्प्लेसह येईल. रेडमीने आपला पहिला टर्बो मॉडेल, Turbo 3, एप्रिलमध्ये लाँच केला होता. त्यामुळे, दरवर्षी या सीरिजमधून दोन स्मार्टफोन्स सादर करण्याच्या ब्रँडच्या पॅटर्नमध्ये कोणताही बदल झालेला नाही.
जागतिक स्तरावर Poco F7 नावाने होणार लॉन्च
अगस्ट महिन्यातील एका एक्सक्लुझिव्ह लीकमध्ये स्पष्ट झाले होते की, Redmi Turbo 4 चा मॉडेल नंबर 2412DRT0AC आहे, ज्यामधील “C” हा चीनसाठीच्या वेरिएंटचे प्रतीक आहे. जागतिक स्तरावर हा स्मार्टफोन Poco F7 या नावाने लॉन्च केला जाणार आहे, ज्याचे ग्लोबल मॉडेल नंबर 2412DPC0AG आणि भारतीय मॉडेल नंबर 2412DPC0AI असतील.
Redmi Turbo 4 चे स्पेसिफिकेशन्स (संभाव्य)
सध्या, Turbo 4 च्या स्पेसिफिकेशन्सबाबत मर्यादित माहिती उपलब्ध आहे. 1.5K रिझोल्यूशन डिस्प्ले व्यतिरिक्त, अफवांनुसार, यामध्ये प्लास्टिक फ्रेम असणार आहे. Poco F7 हा रीब्रँडेड मॉडेल असल्यामुळे त्यात देखील हेच फीचर्स असण्याची शक्यता आहे.
Redmi Turbo 4 / Poco F7 ला पॉवर देणाऱ्या चिपसेटबाबत कोणतीही माहिती अद्याप समोर आलेली नाही. असे मानले जात आहे की, हा फोन Snapdragon 8s Gen 4 चिपसेटसह येईल, कारण मागील मॉडेलमध्ये Snapdragon 8s Gen 3 वापरण्यात आला होता.
मोठ्या बॅटरीसह येण्याची शक्यता
मागील लीकनुसार, Turbo 4 मध्ये मोठी बॅटरी असेल. जरी बॅटरीची अचूक क्षमता जाहीर झालेली नसली, तरी मागील मॉडेल Turbo 3 मध्ये 90W फास्ट चार्जिंगसह 5000mAh बॅटरी होती. त्यामुळे, Turbo 4 / Poco F7 मध्ये किमान 5500mAh बॅटरी असण्याची अपेक्षा आहे.
