Rule Change: दर महिन्याप्रमाणे, या महिन्यातही काही महत्त्वाचे नियम बदलणार आहेत. या बदलांमध्ये क्रेडिट कार्ड (Credit Card), LPG आणि ट्रेन तिकिट (Train Ticket) तसेच FD डेडलाइन यासारख्या सेवा समाविष्ट आहेत. हे बदल 1 नोव्हेंबरपासून लागू होणार आहेत आणि त्याचा परिणाम सामान्य नागरिकांच्या खिशावर होणार आहे. चला पाहूया, कोणते नियम बदलणार आहेत आणि त्याचा आपल्या जीवनावर काय परिणाम होऊ शकतो.
LPG सिलिंडरच्या दरात बदल
दर महिन्याच्या पहिल्या तारखेला पेट्रोलियम कंपन्या LPG सिलिंडरच्या किंमतींमध्ये बदल करतात आणि नवीन दर जारी करतात. यावेळीही 1 नोव्हेंबरला LPG सिलिंडरच्या किंमतींमध्ये बदल होण्याची शक्यता आहे. लोकांना 14 किलोचे घरगुती गॅस सिलिंडर स्वस्त मिळण्याची अपेक्षा आहे, जे दीर्घकाळापासून स्थिर आहे. व्यावसायिक गॅस सिलिंडरबाबत बोलायचं झाल्यास, 19 किलो LPG सिलिंडरचे दर जुलै महिन्यात कमी झाले होते, पण त्यानंतर सलग तीन महिन्यांपासून त्यात वाढ होत आहे.
ATF आणि CNG-PNG दरात बदल
प्रत्येक महिन्याच्या पहिल्या दिवशी तेल विपणन कंपन्या LPG सिलिंडरच्या किंमतीत बदल करतात. त्याचबरोबर सीएनजी-पीएनजी (CNG-PNG) आणि हवाई टर्बाइन इंधन (ATF) च्या दरांमध्येही बदल केले जातात. गेल्या काही महिन्यांमध्ये हवाई इंधनाच्या दरांमध्ये घट झाली आहे आणि यावेळीही दर कमी होण्याची अपेक्षा आहे. त्याचप्रमाणे, सीएनजी आणि पीएनजी दरांमध्येही मोठा बदल दिसून येण्याची शक्यता आहे.
क्रेडिट कार्ड नियमांमध्ये बदल
1 नोव्हेंबरपासून लागू होणाऱ्या तिसऱ्या महत्त्वपूर्ण बदलात स्टेट बँक ऑफ इंडिया (SBI) ची उपकंपनी, एसबीआय कार्ड (SBI Card), आपले क्रेडिट कार्ड नियम बदलत आहे. यामध्ये यूटिलिटी बिल पेमेंट्स आणि फाइनान्स चार्जेस समाविष्ट आहेत. आता अन-सिक्यॉर्ड एसबीआय क्रेडिट कार्डवर दर महिन्याला 3.75% फाइनान्स चार्ज लागू होणार आहे. तसेच वीज, पाणी, एलपीजी गॅस आणि इतर यूटिलिटी सर्व्हिसेससाठी 50,000 रुपये पेक्षा जास्त पेमेंट केल्यास 1% अतिरिक्त चार्ज लागणार आहे.
मनी ट्रान्सफरच्या नियमांमध्ये बदल
भारतीय रिझर्व्ह बँक (RBI) ने घरगुती मनी ट्रान्सफर (DMT) साठी नवीन नियम जाहीर केले आहेत, जे 1 नोव्हेंबर 2024 पासून लागू होतील. या नियमांचा उद्देश बँकिंग चॅनल्सचा गैरवापर रोखणे आहे आणि त्यामुळे आर्थिक फसवणुकीपासून बचाव करण्यास मदत होईल.
ट्रेन तिकिट बुकिंग नियमांमध्ये बदल
भारतीय रेल्वेच्या ट्रेन तिकिट अॅडव्हान्स बुकिंग पीरियड (ARP) मध्येही बदल करण्यात आला आहे. हा कालावधी 1 नोव्हेंबर 2024 पासून 120 दिवसांवरून 60 दिवस करण्यात येणार आहे. या बदलाचा उद्देश तिकिट खरेदी प्रक्रिया सुलभ करणे आणि प्रवाशांना सहज उपलब्धता प्रदान करणे आहे.
बँकांच्या सुट्टीचे दिवस
नोव्हेंबर महिन्यात विविध सण आणि सार्वजनिक सुट्ट्यांमुळे बँका अनेक दिवस बंद राहतील. याव्यतिरिक्त विधानसभा निवडणुकीच्या पार्श्वभूमीवरही बँका काही दिवस कामकाज बंद ठेवणार आहेत. या महिन्यात एकूण 13 दिवस बँकांना सुट्ट्या असतील. अशावेळी, बँकांच्या ऑनलाइन सेवा 24×7 चालू राहतील, ज्याद्वारे तुम्ही तुमचे बँकिंग कामे आणि व्यवहार सहज पार पाडू शकता.
