EPFO म्हणजेच कर्मचारी भविष्य निधी संघटनेशी संबंधित कर्मचाऱ्यांसाठी दिवाळीपूर्वी मोठी आनंदाची बातमी आली आहे. EPFO ने आपल्या कर्मचाऱ्यांना बोनस देण्याची घोषणा केली आहे. हा बोनस दोन महिन्यांच्या पगाराच्या समतोल असेल.
संघटनेने आपल्या एका निवेदनात सांगितले आहे की कर्मचारी भविष्य निधी संघटनेत काम करणाऱ्या गट सी आणि गट बी कर्मचाऱ्यांना उत्पादकता लिंक्ड बोनस (Productivity Linked Bonus – (PLB)) म्हणून 13,816 रुपये अडव्हान्स पेमेंट दिले जाईल. याआधी सप्टेंबर महिन्यात केंद्रीय मंत्रिमंडळाने रेल्वे कर्मचाऱ्यांसाठी उत्पादकता लिंक्ड बोनस देण्यासाठी मान्यता दिली होती.
कोणत्या कर्मचाऱ्यांना बोनसचा लाभ मिळणार नाही?
(PLB) चा लाभ खालील कर्मचाऱ्यांना मिळणार नाही:
- जे कर्मचारी आधीच EPFO मधून निवृत्त झाले आहेत.
- आकस्मिक/कंत्राटी/अतिरिक्त विभागीय कर्मचारी बोनससाठी पात्र नाहीत.
कोणत्या कर्मचाऱ्यांना बोनसचा लाभ मिळणार?
(EPFO) च्या सर्क्युलरनुसार, 2023-24 साठी कर्मचाऱ्यांना (PLB) च्या अडव्हान्स पेमेंटसाठी खालील नियम आणि अटी लागू होतील:
- गट सी आणि गट बी (अराजपत्रित) कर्मचाऱ्यांना बोनस:
- गट सी आणि गट बी (नियमित कर्मचाऱ्यांना) बोनसचा लाभ मिळेल. मात्र, हे कर्मचारी त्यांच्या सेवा कालावधीनुसार पात्र असतील आणि आर्थिक वर्ष 2023-24 च्या मार्चच्या शेवटच्या दिवशी नोकरीत कार्यरत असतील.
- एक वर्षापेक्षा कमी सेवा केलेल्या कर्मचाऱ्यांनाही बोनस मिळणार:
- ज्या कर्मचाऱ्यांनी एक वर्षापेक्षा कमी काळासाठी सेवा बजावली आहे, त्यांनाही बोनस मिळणार आहे, पण त्यांची सेवा आर्थिक वर्ष 2023-24 मध्ये किमान 6 महिने असायला हवी.
- 7,000 रुपये पेक्षा जास्त पगार असलेल्या कर्मचाऱ्यांनाही बोनस मिळणार:
- ज्यांचे मासिक वेतन 7,000 रुपये पेक्षा अधिक आहे, ते देखील बोनससाठी पात्र आहेत.
- अर्धवेतनावर असणाऱ्या कर्मचाऱ्यांसाठी विशेष नियम:
- आर्थिक वर्ष 2023-24 च्या मार्च महिन्यात जे कर्मचारी असाधारण रजा किंवा अर्धवेतनाच्या रजावर असतील, त्यांना वेतन आणि भत्ते यांच्या आधारावर (PLB) च्या रकमांचे वितरण केले जाईल.
