Shani Asta In Meen Rashi 2026: वैदिक ज्योतिषानुसार शनी हा न्याय, शिस्त आणि कर्माचा ग्रह मानला जातो. शनीच्या स्थितीत बदल झाला की त्याचा परिणाम नोकरी, व्यवसाय, पैसा, आरोग्य आणि सामाजिक आयुष्यावर दिसून येतो. होळी 2026 नंतर शनी मीन राशीत अस्त होणार असून, या खगोलीय घटनेचा सर्व राशींवर परिणाम होणार आहे. मात्र, यातील 3 राशींसाठी हा काळ विशेष लाभदायक ठरण्याची चिन्हे आहेत.
30 वर्षांनंतर शनीचा मोठा बदल
दृक पंचांगानुसार 13 मार्च 2026 रोजी सायंकाळी 7:13 वाजता शनी मीन राशीत अस्त होणार आहे. जवळपास 30 वर्षांनंतर शनीच्या स्थितीत होणारा हा मोठा बदल मानला जातो. शनीचा संबंध आयुष्य, संघर्ष, शिस्त, नोकरी, उद्योग, लोखंड आणि तेलाशी जोडला जातो. त्यामुळे हा बदल आर्थिक आणि व्यावसायिक बाबींमध्ये महत्त्वाचा ठरणार आहे.
धनु राशीसाठी भौतिक सुखवाढ
धनु राशीच्या लोकांसाठी शनी अस्ताचा काळ अनुकूल ठरण्याची शक्यता आहे. या काळात घर, वाहन किंवा मालमत्तेशी संबंधित निर्णय घेण्याची संधी मिळू शकते. उत्पन्न वाढीचे नवे मार्ग खुलू शकतात. नोकरी बदलण्याचा विचार करणाऱ्यांना चांगली संधी मिळण्याची शक्यता आहे. अचानक आर्थिक लाभ होण्याचेही संकेत आहेत. कुटुंबातील विशेषतः आईसोबतचे नाते अधिक दृढ होईल.
कुंभ राशीला आर्थिक दिलासा
कुंभ राशीच्या लोकांसाठी शनी अस्त आर्थिक दिलासा देणारा ठरू शकतो. अडकलेले पैसे परत मिळण्याची शक्यता आहे. व्यापार करणाऱ्यांसाठी हा काळ फायदेशीर ठरेल. शिक्षण, माध्यमे, विक्री, जाहिरात किंवा बोलण्याशी संबंधित क्षेत्रात काम करणाऱ्यांना मान-सन्मान आणि यश मिळू शकते. तुमच्या विचारांना आणि निर्णयांना लोकांकडून दाद मिळेल.
मीन राशीसाठी यशाची दारे उघडणार
मीन राशीच्या लोकांसाठी शनी अस्त आत्मविश्वास वाढवणारा ठरेल. समाजात मान-सन्मान वाढण्याचे संकेत आहेत. वैवाहिक जीवनात सकारात्मक बदल दिसून येतील. जोडीदाराच्या प्रगतीमुळे आनंद मिळेल. व्यवसाय करणाऱ्यांच्या उत्पन्नात वाढ होण्याची शक्यता आहे. दीर्घकाळ मेहनत केलेल्या कामात यश मिळण्याचे योग आहेत. भागीदारीच्या कामातूनही लाभ होऊ शकतो.
