White Hair Treatment: केस पांढरे होणे हा वाढत्या वयाचा परिणाम मानला जातो, परंतु शास्त्रज्ञांनी केसांना जुन्या रंगात परत आणण्याचा मार्ग शोधला आहे. ते म्हणतात की पांढरे केस पुन्हा काळे केले जाऊ शकतात. न्यू यॉर्क युनिव्हर्सिटी ग्रॉसमन स्कूल ऑफ मेडिसिनच्या शास्त्रज्ञांनी नुकत्याच केलेल्या संशोधनात हा दावा केला आहे. संशोधकांचे म्हणणे आहे की, केस पांढरे होणे म्हणजे त्यात रंगद्रव्याची कमतरता असल्यामुळे ते पांढरे दिसतात. परंतु ते परत केले जाऊ शकते. कसे ते जाणून घ्या.
संशोधकांचे म्हणणे आहे की त्यांनी स्टेम पेशी शोधल्या आहेत ज्या अनेक प्रकारच्या पेशींमध्ये विकसित होऊ शकतात. यामध्ये अनेक प्रकारची वैशिष्ट्ये आहेत. उदाहरणार्थ, केसांच्या मुळांमध्ये बनवलेल्या वेगवेगळ्या भागांमध्ये ते फिरू शकते. हा त्यांचा सर्वात मोठा गुण आहे. आता आपण समजून घेऊया की त्यांच्यामुळे केसांचा जुना रंग कसा परत येईल.
डेलीमेलच्या रिपोर्टनुसार, एखाद्या व्यक्तीचे वय जसजसे वाढते तसतसे स्टेम सेल हेयर फॉलिकल मध्ये अडकू लागतात. माणसाच्या तरुण वयात ते जसे बाहेर पडतात तसे ते यातून बाहेर पडू शकत नाहीत. यामुळे, ते पेशींसाठी रंगद्रव्ये निर्माण करण्यास सक्षम नाहीत. या रंगद्रव्याच्या कमतरतेमुळे केस पांढरे होऊ लागतात आणि केसांचा रंग पांढरा होऊ लागतो. यावर उपाय शोधण्यासाठी, शास्त्रज्ञांनी मिलेनोसाइट स्टेम पेशींवर लक्ष केंद्रित केले आहे, जे मानवांमध्ये केसांचा रंग नियंत्रित करतात.
जर्नल नेचरमध्ये प्रकाशित झालेल्या अहवालात म्हटले आहे की, आमच्या संशोधनात आम्ही हे समजून घेण्याचा प्रयत्न केला आहे की मिलेनोसाइट स्टेम केसांना रंग देण्यासाठी कसे कार्य करतात. यामुळे केस पांढरे होण्यापासून बचाव होईल. केसांच्या मुळांमध्ये अडकलेल्या स्टेम सेल्सचा मार्ग मोकळा होईल ज्यामुळे रंगद्रव्याचे उत्पादन वाढते आणि केस काळे ठेवण्यास मदत होते.
संशोधकांची टीम आता स्टेम सेलद्वारे मानवी केसांचा रंग पुनर्संचयित करण्याच्या मार्गावर काम करत आहे. शास्त्रज्ञांनी हा प्रयोग उंदरांवर केला असून तो यशस्वी झाला आहे. अशा प्रकारे केसांमधील रंगद्रव्य परत आल्यानंतर पांढरे केस पुन्हा काळे होऊ शकतात.
