Maharashtra 11th Admission 2022: महाराष्ट्र बोर्डाने 10वीचा निकाल (Maharashtra 11th Admission) जाहीर केला आहे. अशा परिस्थितीत आता विद्यार्थी कनिष्ठ महाविद्यालयात म्हणजेच अकरावीच्या प्रवेशासाठी तयारी करत आहेत. मात्र, दहावीचा निकाल जाहीर होण्यापूर्वीच महाराष्ट्रात अकरावीची प्रवेश प्रक्रिया सुरू झाली होती. महाराष्ट्रात 11वीच्या प्रवेशासाठी 30 मे पासून नोंदणी सुरू झाली. त्याच वेळी, आता जे विद्यार्थी MHT FYJC प्रवेश 2022-23 प्रक्रियेसाठी अर्ज करू इच्छितात ते 11thadmission.org.in वेबसाइटला भेट देऊन ऑनलाइन नोंदणी करू शकतात.

दुसरीकडे, मुंबई महानगर प्रदेशातील (MMRDA) वसई, पनवेल (ग्रामीण) आणि भिवंडी भागातील शाळा 2022.23 या शैक्षणिक वर्षासाठी FYJC कॉमन एडमिशन प्रोसेस (CAP) समाविष्ट केल्या जाणार आहेत. या भागातील शाळांना इयत्ता 11वीच्या ऑनलाइन प्रवेश प्रक्रियेत सहभागी होणे बंधनकारक करण्यात आले आहे. त्यांनी ऑफलाईन प्रवेश स्वीकारल्यास नमूद क्षेत्रांतर्गत येणाऱ्या शाळांवर कडक कारवाई करण्यात येईल. वास्तविक, गेल्या काही वर्षांपासून या भागांना ऑनलाइन प्रवेश प्रक्रियेतून सूट देण्यात आली होती. मात्र आता त्यांना जुने नियम पाळावे लागणार आहेत.

FYJC प्रवेशासाठी नोंदणी कशी करावी

  • 11thadmission.org.in येथे FYJC प्रवेश 2022 च्या अधिकृत वेबसाइटला भेट द्या .
  • तुमचा प्रदेश निवडा जसे की मुंबई MMR, नाशिक, पुणे.
  • लॉगिन आयडी आणि पासवर्डसाठी साइन-इन किंवा नोंदणी बटणावर क्लिक करा.
  • लॉगिन आयडी आणि पासवर्ड वापरून लॉगिन करा.
  • एप्लिकेशन फॉर्म चा पार्ट 1 भरा.
  • ऑनलाइन फी भरून फॉर्म लॉक करा.
  • महाराष्ट्र FYJC प्रवेशपत्र सबमिट करा.

दहावीचा निकाल जाहीर झाल्यानंतर आता पार्ट 2 फॉर्म फॉर्मही भरता येणार आहे. यामध्ये दहावीत मिळालेले गुण भरून शाळेचा पर्याय निवडावा लागतो. गेल्या वर्षी 4 लाखांहून अधिक मुलांनी अकरावीच्या प्रवेशासाठी अर्ज केले होते.