Lava Yuva 4 Launched: लावाने अखेर भारतात त्याचा नवीन बजेट स्मार्टफोन लॉन्च केला आहे. Lava Yuva 4 हा कंपनीचा नवीनतम स्मार्टफोन असून, त्याला iPhone 16 Pro सारख्या डिझाइनसह लॉन्च करण्यात आले आहे. 7,000 रुपये कमी किंमतीत मिळणाऱ्या या नवीन लावा स्मार्टफोनमध्ये iPhone 16 Pro सारखा डिझाइन आहे.
हो, तुम्हाला एका बजेट फोनमध्ये 1 लाखांपेक्षा जास्त किंमतीच्या iPhone सारखा लुक मिळेल. नवीन लावा फोनमध्ये 128GB पर्यंत स्टोरेज, 5000mAh मोठी बॅटरी आणि 50MP रियर कॅमेरा आहे. चला तर मग, लावा युआ 4 च्या किंमती आणि वैशिष्ट्यांबद्दल सविस्तर माहिती जाणून घेऊया…
Lava Yuva 4 स्मार्टफोन Apple च्या फ्लॅगशिप फोनसारख्या डिझाइनसह येतो. या लावा फोनमध्ये गोलाकार काठांसह फ्लॅट-एज फ्रेम कॉर्नर आणि व्हर्टिकल स्टॅक्ड कॅमेरे दिले आहेत. म्हणजेच, तुम्ही कमी किमतीत प्रीमियम अनुभव घेऊ शकता. लावा या फोनला मिडनाइट ब्लू, फॉरेस्ट ग्रीन आणि फ्रॉस्ट व्हाइट रंगांमध्ये उपलब्ध करून दिले आहे.
Lava Yuva 4 Price
Lava Yuva 4 स्मार्टफोन 4GB RAM आणि 64GB स्टोरेज तसेच 4GB RAM आणि 128GB स्टोरेज अशा दोन पर्यायांमध्ये उपलब्ध आहे. लावा फोन रिटेल आउटलेट्सवर 6,999 रुपये किमतीत उपलब्ध आहे. लावाचा असा दावा आहे की हा फोन 1 वर्षाची वॉरंटी आणि फ्री होम सर्विसेससह उपलब्ध आहे.
Lava Yuva 4 Specifications
Lava Yuva 4 मध्ये 6.56 इंच HD+ पंच होल डिस्प्ले दिली आहे. या स्क्रीनचा रिफ्रेश रेट 90Hz आहे. Lava च्या या स्मार्टफोनमध्ये Unisco T606 चिपसेट दिला आहे. 4GB RAM असलेल्या या फोनमध्ये 4GB पर्यंत वर्चुअल RAM वाढवण्याची सुविधा देखील आहे. नवीन बजेट फोन Android 14 सह लॉन्च करण्यात आला आहे, म्हणजेच यूझर्सला फोनमध्ये क्लीन आणि यूझर-फ्रेंडली इंटरफेस मिळेल.
Lava Yuva 4 ला 5000mAh ची मोठी बॅटरी दिली आहे, जी 10W चार्जिंग सपोर्ट करते. डिव्हाईसच्या सिक्योरिटीसाठी काठावर फिंगरप्रिंट सेंसर दिला आहे.
Lava च्या या स्मार्टफोनमध्ये फोटोग्राफीसाठी 50MP प्राइमरी रियर कॅमेरा दिला आहे. सेल्फी आणि व्हिडिओ कॉलिंगसाठी 8MP चे फ्रंट कॅमेरा आहे.
कनेक्टिव्हिटीसाठी लावा फोनमध्ये 4G VoLTE, Wi-Fi 802.11 AC, Bluetooth 5.0, GPS आणि USB Type-C अशी वैशिष्ट्ये आहेत. यासोबतच 3.5mm ऑडियो जॅक आणि एफएम रेडियो सारखे मनोरंजनाचे फीचर्स देखील दिले आहेत.
