Doogee S119: 10200mAh बॅटरी आणि घड्याळाच्या डायलसारख्या सेकंडरी डिस्प्लेसह रग्ड स्मार्टफोन लाँच, किंमत जाणून घ्या

Doogee हे त्याच्या मजबूत स्मार्टफोनसाठी प्रसिद्ध आहे. कंपनीने आपल्या रग्ड लाइनअपमध्ये नवीन Doogee S119 हा स्मार्टफोन सादर केला आहे, जो जाडसर डिझाइनसह मजबूत आणि ड्युअल डिस्प्ले फीचरमध्ये येतो. या फोनच्या बॅक पॅनलवर एक छोटा सर्कुलर डिस्प्ले देण्यात आला आहे, जो घड्याळाच्या डायलसारखा दिसतो आणि त्याच्या चारही बाजूंनी कॅमेरा सेन्सर दिलेले आहेत.

हा सेकंडरी डिस्प्ले ऑलवेज-ऑन (Always-On Display) फिचर सपोर्ट करतो, ज्यामुळे युजरला सतत वेळ दिसेल आणि आवश्यक नोटिफिकेशन्स मिळतील. हा फोन 108MP प्रायमरी रियर कॅमेरा, MediaTek MT8788 ऑक्टा-कोर प्रोसेसर, 10,200mAh बॅटरी आणि 8GB LPDDR4 रॅम यासारख्या दमदार स्पेसिफिकेशन्ससह सुसज्ज आहे.

हे 5 व्हॅल्यू फॉर मनी स्मार्टफोन्स या महिन्यात येत आहेत, तुम्हाला महागड्या फोनचे फीचर्स मिळतील

Doogee S119 ची किंमत

Doogee S119 हा ग्लोबल मार्केटमध्ये 339.99 अमेरिकन डॉलर्स (सुमारे ₹29,600) मध्ये लाँच करण्यात आला आहे. हा फोन सिल्व्हर आणि रेड या दोन रंगांमध्ये उपलब्ध आहे. युजर्स आता हा फोन Doogee च्या अधिकृत वेबसाइटवरून खरेदी करू शकतात.

Doogee S119 चे स्पेसिफिकेशन्स

Doogee S119 Android 14 ऑपरेटिंग सिस्टमवर कार्यरत आहे. यात 6.72-इंचाचा FHD+ डिस्प्ले देण्यात आला आहे. बॅक पॅनलवर 1.32-इंचाचा (360×360 रिझोल्यूशन) सर्कुलर डिस्प्ले आहे, जो युजरला टाइम, डेट आणि महत्त्वाची नोटिफिकेशन्स दाखवतो. या डिस्प्लेमध्ये कॉल दिसतो आणि त्यावरून डायरेक्ट कॉल अन्सर केला जाऊ शकतो. तसेच, युजर्स याच डिस्प्लेवरून म्युझिक कंट्रोल करू शकतात.

50MP कॅमेरा आणि 128GB स्टोरेज असलेला Realme C63 स्मार्टफोन अवघ्या 8,999 रुपयांमध्ये लॉन्च, किंमत आणि फीचर्स जाणून घ्या

दमदार परफॉर्मन्स

हा स्मार्टफोन MediaTek MT8788 ऑक्टा-कोर प्रोसेसर वर कार्य करतो, जो 12nm प्रोसेस तंत्रज्ञानावर आधारित आहे. यात 8GB LPDDR4 रॅम देण्यात आली असून, स्टोरेजच्या मदतीने ती 24GB पर्यंत वर्च्युअली वाढवता येते. तसेच, फोनमध्ये 512GB स्टोरेज आहे, ज्याला 2TB पर्यंत माइक्रोएसडी कार्डद्वारे एक्सपँड करता येते.

108MP कॅमेरा, 16GB रॅम आणि जलद चार्जिंगसह 5G स्मार्टफोन फक्त 13,999 रुपये

जबरदस्त कॅमेरा सेटअप

Doogee S119 मध्ये ट्रिपल रियर कॅमेरा सेटअप देण्यात आला आहे. यात 108MP चा प्रायमरी सेन्सर, 20MP चा नाइट व्हिजन कॅमेरा आणि 120° फील्ड ऑफ व्ह्यू असलेला 5MP अल्ट्रा-वाइड कॅमेरा आहे. सेल्फीसाठी यात 16MP चा फ्रंट कॅमेरा उपलब्ध आहे.

प्रचंड बॅटरी आणि जबरदस्त डिझाइन

या फोनमध्ये 10,200mAh ची बॅटरी आहे, जी 33W फास्ट चार्जिंग सपोर्ट करते. कंपनीच्या म्हणण्यानुसार, हा फोन IP68, IP69K आणि MIL-STD-810H प्रमाणपत्रासह येतो, ज्यामुळे तो धूळ, पाणी आणि उष्णतेपासून संरक्षित राहतो. कनेक्टिव्हिटीसाठी यात 4G LTE, Wi-Fi, Bluetooth आणि GPS सपोर्ट उपलब्ध आहे.