SIP: आजच्या काळात अनेक नोकरदार आणि तरुण गुंतवणूकदार आपले आर्थिक भविष्य सुरक्षित करण्यासाठी चांगल्या योजनांच्या शोधात आहेत. वाढती महागाई आणि अनिश्चिततेचा काळ लक्षात घेता, छोट्या योजनांपेक्षा मोठा परतावा देणाऱ्या स्कीम्समध्ये गुंतवणूक करण्याकडे कल वाढला आहे. यासाठी म्युच्युअल फंडाच्या एसआयपी (SIP) ला प्रचंड मागणी आहे.
SIP म्हणजे नेमकं काय असतं?
SIP म्हणजे सिस्टेमॅटिक इन्व्हेस्टमेंट प्लॅन. ही एक अशी योजना आहे जिथे दर महिन्याला ठराविक रक्कम गुंतवता येते, अगदी ₹100 पासून सुरुवात करता येते. ही योजना बँकेच्या रिकरिंग डिपॉझिट स्कीमसारखी असते, पण यामध्ये मिळणारा परतावा अधिक चांगला असतो कारण येथे चक्रवाढ व्याज (Compound Interest) लागू होते. वेळोवेळी गुंतवणूक करून लांब पल्ल्याचा मोठा फंड तयार करता येतो.
SIP मध्ये गुंतवणुकीचे फायदे आणि कर सवलत
SIP मध्ये गुंतवणूक करताना केवळ परतावाच मिळत नाही, तर कर बचतही करता येते. जर तुम्ही ELSS (Equity Linked Savings Scheme) फंडमध्ये गुंतवणूक केली, तर आयकर अधिनियम 80C अंतर्गत तुम्हाला ₹1.5 लाखांपर्यंतच्या गुंतवणुकीवर टॅक्समध्ये सवलत मिळू शकते. शिवाय, अनेक फंड्समध्ये वार्षिक सरासरी 12 ते 15 टक्के पर्यंत परतावा मिळतो. फ्लेक्सिबल SIP द्वारे तुम्ही तुमच्या आर्थिक क्षमतेनुसार दर महिन्याला वेगवेगळी रक्कम गुंतवू शकता.
₹500 ची SIP आणि करोडोंचा टार्गेट
जर तुम्ही दरमहा फक्त ₹500 SIP मध्ये गुंतवले, तर साधारणतः 39 वर्षांच्या कालावधीत तुम्ही 1 कोटींचा फंड तयार करू शकता. यात तुमची गुंतवलेली मूळ रक्कम ₹2 लाख 34 हजार असेल आणि त्यावर अंदाजे ₹97 लाख 80 हजार 659 इतका व्याज मिळेल. परिणामी, परिपक्वतेच्या वेळेस एकूण ₹1 कोटी 14 हजार 659 इतका परतावा मिळू शकतो.
दीर्घकालीन गुंतवणुकीचा मंत्र
एसआयपीमध्ये सातत्याने आणि दीर्घकालीन गुंतवणूक केल्यासच मोठा फंड तयार होतो. ही योजना त्यांच्यासाठी आहे जे कमी जोखीम स्वीकारून वेळोवेळी गुंतवणूक करून आपले आर्थिक लक्ष्य गाठू इच्छितात. लवकर सुरुवात केल्यास लांब पल्ल्याचा प्रवास अधिक सहज आणि फायदेशीर होतो.
Disclaimer:
वरील लेखात दिलेली माहिती सामान्य आर्थिक शिक्षणाच्या उद्देशाने देण्यात आलेली आहे. गुंतवणुकीचा कोणताही निर्णय घेण्यापूर्वी आपल्या आर्थिक सल्लागारांचा सल्ला घ्या. बाजार जोखमींचा अंदाज घेऊनच पुढील पावले उचला.
